شقق الإسكان الاجتماعي 2026.. تفاصيل السداد المعجل لفك الحظر مبكرًا
أعلن صندوق الإسكان الاجتماعي عن حل جديد لمساءلة فك الحظر الذي كان مفروض على شقق الإسكان الاجتماعي 2026 في خطوة جاءت متأخرة ولكنها تقضي تماما على البيع الغير شرعي في وقت الحظر المفروض لمدة 7 سنوات على شقق الإسكان الاجتماعي.
تفاصيل سداد قيمة شقق الإسكان الاجتماعي 2026 المعجلة
من أجل فك حظر شقق الإسكان الاجتماعي 2026 بعد قرار السداد المعجل من الصندوق الإسكان وفتح باب "السداد المعجل"، مئات الآلاف من المواطنين بيسألوا: "الحسبة بتتحسب إزاي؟ وهدفع كام بالظبط؟".
أمثلة العملية حسب آخر طرح (سكن لكل المصريين 5 و7).
أولًا: كيفية حساب "فارق السعر"؟
الصندوق لن يأخذ باقي الأقساط فقط ولكنه يأخذ نسبة من (الفرق) بين سعر شقتك القديم وسعر الشقق في "آخر إعلان" نزل.
المعادلة: (سعر الشقة في الإعلان الجديد - سعر شقتك في عقدك القديم) = الفارق المطلوب.
ثانيًا: ستدفع كام من "الفارق" ده؟
النسبة تقل كل ما زادت مدة استلامك للشقة:
لو مستلم بقالك (3 - 4 سنين): هتدفع 50% من الفارق.
لو مستلم بقالك (4 - 6 سنين): هتدفع 40% من الفارق.
لو مستلم بقالك (6 - 7 سنين): هتدفع 30% من الفارق.
لو بايع الشقة (مخالف): هتدفع 80% من الفارق (تصالح).
ثالثًا: أمثلة عملية (لو شقتك القديمة كانت بـ 154 ألف)
مثال 1: شقة في المحافظات (السعر الجديد 184 ألف)
الفارق = 184،000 - 154،000 = 30،000 جنيه.
لو بقالك 3-4 سنين: هتدفع 15،000 جنيه.
لو بقالك 6-7 سنين: هتدفع 9،000 جنيه.
مثال 2: شقة في المدن الجديدة (السعر الجديد 950 ألف)
الفارق = 950،000 - 154،000 = 796،000 جنيه.
لو بقالك 3-4 سنين: هتدفع 398،000 جنيه.
لو بقالك 6-7 سنين: هتدفع 238،800 جنيه.
(ملحوظة: الأرقام دي بالإضافة لسداد باقي أصل القرض للبنك كاش).
رابط التقديم على دفع معجل في وحدات الإسكان الاجتماعي
رسوم الطلب: 5000 جنيه تدفع في البريد عند تقديم الطلب (بتتخصم من المبلغ النهائي لو كملت، ولو تراجعت مش بترجعلك).
المخالصة البنكية شرط أساسي: لازم تسدد "أصل القرض" للبنك وتاخد مخالصة قبل ما تطلب السداد المعجل من الصندوق.
التقديم إلكتروني فقط: من خلال موقع مركز خدمة المواطنين https://cservices.shmff.gov.eg/.
رسوم إضافية في الآخر: بعد الموافقة بتدفع 2000 جنيه للعقد النهائي أو 300 جنيه للمخالصة النهائية.
خطوات التقديم لفك حظر شقق الإسكان الاجتماعي
سدد قرض البنك وخد المخالصة.
سجل حساب على موقع الصندوق وارفع "محضر استلام الشقة".
استنى رسالة التوجه للبريد لسداد الـ 5000 جنيه ورفع الإيصال.
الصندوق هيراجع ويبعتلك "المبلغ المطلوب" (زي اللي حسبناه فوق).
ادفع في البريد، ارفع الإيصال، واستلم مستنداتك بعد 15 يوم.
الفائدة من السداد المعجل تحويل شقتك من "إسكان اجتماعي محظور" لملك حرتقدر تبيعه أو تأجره قانونيًا وبدون أي ملاحقة قضائية.
