الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
فن ومنوعات

عمر كمال: "كنت بقف 5 ساعات قدام الكافية عشان أقابل المدير"

الرئيس نيوز

كشف مطرب المهرجانات عمر كمال؛ عن أصعب وقت مر عليه في بداياته مع الغناء لافتا أنه كان ينتظر أصحاب الكافيهات في الشارع من أجل إجراء اختبار لكي يعمل.

وقال كمال في مقابلة مع برنامج "لحظات جريئة" المذاع على قناة "القاهرة والناس": "أنا من السويس وكانوا بيكلموني يقولولي عايزينك بكرة نعملك اختبار عشان لو هتشتغل".

وأضاف: "موقف العربيات عندنا في السويس أخرى تسعة عشرة باليل؛ كنت بسافر من الساعة سبعة وأفضل مستني صاحب الكافية بالخمس ساعات لحد ما يجي الساعة 3".

وتابع: "5 ساعات واقف في البرد مستني عشان أقابل صاحب المكان؛ ومكانوش بيسمحولي أدخل عشان مشغلش طرابيزة".

وأختتم: "كتير منهم كانوا بيحرجوني؛ اللي يقولي إيه اللي أنت لابسه دة واللي يقولي البس بدلة واللي يقول نزلوه".