إيهاب توفيق يكشف عن رد فعله بعد السخرية من أغنيته في "سمير وشهير وبهير"
كشف المطرب إيهاب توفيق عن رد فعله بعد
السخرية من أغنية "يا سلام" خلال فيلم سمير وشهير وبهير والذي قام
ببطولته الثلاثي شيكو وهشام ماجد وأحمد فهمي.
وقال توفيق خلال برنامج "الجريئة وشيخ
الحارة" المذاع على قناة "القاهرة والناس": "مضايقتش خالص من
المشهد وكل ما أشوفه بضحك".
وأضاف: "قابلت شيكو بالصدفة في الساحل
وخدت اتنين اصحابي ورحت عليه وعملت نفسي زعلان وقعدت أقوله أنت ازاي تتريق على
الأغنية أنت مش عارف بتكلم مين انت مستأذنتش؛ وعملت عليه فيلم لقيته اتاخد كدة
وبعدين رحت وخدة بالحضن وقعدنا نهزر ونضحك؛ أنا بحبة جدا جدا والمشهد بتاع الفيلم
بالنسبالي تاريخي".
وتابع: "اغنية يا سلام وأه ياناري
الاتنين كان فيهم تكرار وكانوا حلوين؛ وفي واحدة كان بيوزعها حميد الشاعري
والتانية أشرف عبده قلتلهم مش هينفع الاغنتين ينزلوا مع بعض وفيهم التكرار دة لكن
كل واحد أصر أنها تنزل".
واختتم: "كل واحد أصر أنها تنزل واللي
قالي مش هشتغل وكان في مشكلة وقتها وفي النهاية نزلت الاغنتين مع بعض
ونجحوا".
