«لو محدش رباك أنا هربيك».. تفاصيل خناقة عمرو أديب ومحمد رمضان

حالة من الجدل أثيرت خلال الساعات الماضية بسبب المشادات التى حدثت بين محمد رمضان وعمرو أديب، حتى قرر أديب مقاضاة محمد رمضان بعد تطاوله عليه من خلال تصريحات صحفيه له.

ووجه أديب رسالة إلى محمد رمضان قائلًا: «لو محدش رباك أنا هعرف أربيك، البلد دي فيها قانون يسري على الجميع».

وأضاف أديب أن «الإنسان اللي متربي نعمة، وأنت لو مش متربي في اللي يربيك، وفي ناس حظها وحش وأنها أتعودت تأخذ الحياة بوشها، وبيحسوا أنهم مسنودين»، متابعا: «معنديش مشكلة أختلف مع حد في أي حاجة لكن لما نوصل لقلة الرباية يبقي القانون هو اللي يحكم».

وتابع أديب خلال رسالته: «النهاردة طلبت من المحامي الخاص بي رفع قضية على الفنان محمد رمضان، وأي فلوس هخدها من محمد رمضان هوديهم لمستشفى الأطفال في أبوالريش»، مستدركا: «أنا مش من النوع اللي ياخد حقه بالتجاوز، ويا أنا يا أنت، وهنروح للقاضي هو اللي هيقول، وقلة الأدب لأ، ولو محدش رباك يا محمد يا رمضان يبقي أنا اللي هربيك».

فيما علقت الإعلامية لميس الحديدي على أزمة زوجها الإعلامي عمرو أديب مع الفنان محمد رمضان، وكتبت عبر حسابها على موقع التدوينات الفصيرة تويتر: «لما تكون مغرور وتافه وغبي ومحدث نعمة، توليفه غير مسبوقة بصراحة».