بعد تعرضها للتنمر.. القصة الكاملة لابنة يسرا اللوزي
تصدرت الفنانة يسري اللوزي، تريند تويتر، بعدما قام أحد المعلقين علي حسابها الشخصي بالتنمر علي ابنتها، وردت عليه اللوزي قائلة : «شكرًا على ذوق حضرتك.. أنا قررت استغل كلامك اللطيف عشان أقدم شوية توعية بخصوص هذا المصطلح، أولًا، المصطلح الصحيح والمقبول هو الصم وضعاف السمع، وليس الطرش أو البكم، ثانيًا، أحب أعبر عن فخري بكوني والدة طفلة صماء لأنها علمتني حاجات كتيرة جدًا وبقيت بني آدمة أم أحسن بسببها، وأنا متأكدة إنها هتطلع إنسانة مثقفة ومتفوقة ومش هتبقى محتاجة حد عشان تحقق أحلامها».
وتابعت: «ثالثًا، البنت الصماء دي هي اللي ألهمتني إني أتكلم في البرامج وأطالب بالكشف المبكر للمواليد اللي على أساسه كل المصريين هيتعملهم كشف سمع عند الولادة، وده المفروض يساهم بشكل إيجابي في حياة عائلات كتير وهيسمح للأطفال الصم وضعاف السمع إنهم يلاقوا الدعم منذ الصغر عشان يقدروا يتعلموا كويس وما يبقوش عبء على حد، بل بالعكس هيكونوا قادرين يندمجوا في المجتمع المريض للأسف، فبالتالي الطفلة الصماء دي ليها إنجازات أثرت على شعب كامل رغم إن عمرها 6 سنين، ياريت توضحلي بقى حضرتك أنجزت إيه في حياتك؟ شكرًا».
تضامن العديد من مغردين تويتر مع يسرا اللوزي وابنتها، إذ تقول انجي علاء :" ربنا يفرحك يا يسرا بحياتك وببنتك وتشوفيها احسن بنت في الدنيا ويعوضك تعبك انتي واي أم ولدت وتعبت وربت ويوقفلك ولاد الحلال اللي يتمنولك الخير ليكي ولبنتك ويساعدوكي ويبعد عنك الاشكال دي اللي لا تعرف دين ولا أخلاق اللي قلوبهم ميتة لحسن كتروا اوي اليومين دول"، بينما يقول مغرد آخر:" كان رد يسرا اللوزي ردا راقيا يستحق التقدير والاحترام انها شجاعة وصبر أم قلوبنا معك .. كل تقدير واحترام وتبجيل لكل أم فى هذا العالم".
