بشأن «العزل المنزلى».. رسالة هامة من طبيب بمستشفى النجيلة إلى مرضي كورونا
كتب الدكتور محمد علام، بمستشفى النجيلة للعزل بمرسي مطروح، رسالة حول «العزل المنزلى»، قائلًا: «مفيش تحاليل ولا آشعه هتعملها تقولك انت سليم معندكش كوفيد .. عندك أعراض أو مخالط لحالة إيجابية يبقى مفيش حل غير العزل.. مفيش حاجه اسمها أنا عندى اشتباه بنسبه 50٪ كلمه اشتباه يعنى كوفيد قولا واحدًا».
وأضاف علام :«عندك أعراض بسيطة زى البرد أو أخف منه كمان هتعتبرها كورونا وتتعامل بدون قلق مطلوب منك بس العزل طالما
مفيش اعراض تقلق، مش مطلوب منك تحاليل واشعه لانها هتطلع طبيعيه ولو عملتها بردوا
مطلوب منك تعزل نفسك .. الاعراض اللى عندك بسيطه وبتستقل بيها للاسف عند غيرك بتتطور
وساعات بتكلفه حياته فأنا شايف أن 10 ايام مش كتير خصوصا لو هتنقذ حياة».
واستكمل: « الوضع هيتفاقم وهيزيد سوء للأسف ومحتاج سيطرة على الحالات المعزولة منزليا
والمخالطين مينفعش أسيب العدوى تنتشر بين الناس وكل لما حاله تقع أحجزها.. كده أنا معملتش
حاجه.. أنا بتعامل مع المشكلة بطريقة معكوسة بدل ماحل الأسباب بتعامل مع النتائج».
واختتم: «مينفعش أسيب حالات العزل المنزلى بدون متابعة.. الموضوع مرهق طبعا ومكلف لكن ده الحل السليم لجذور المشكلة.. مجرد اتصال يومى أعرف ملتزم بالعزل ولا لا.. وأطمن على حالته بحيث لو الموضوع بيتطور ألحقه بدرى.. أعرف أوجهه صح.. وإن كان المرور كل كام يوم أفضل لكن على الأقل الاتصال اليومى».
