عمرو أديب عن تتويج الأهلي بدرع الدوري: "نفسي أتصور جنبه"

هنأ الإعلامي عمرو أديب؛ جماهير النادي الأهلي بالتتويج ببطولة الدوري الممتاز وتسلم الدرع خلال مباراة طلائع الجيش والتي أقيمت اليوم بالدوري.

وقال أديب خلال برنامج "الحكاية" المذاع على قناة "إم بي سي مصر": "أهنئ النادي الأهلي وجماهيره بالدوري ودعوة مؤمن زكريا لحفل التتويج كان لفتة طيبة".

وأضاف ساخرا: "كل سنة الأهلي بياخد الدوري ومفيش تغيير؛ بيخرجوه من عندهم يشم هوا ويرجع تاني".

وتابع: "أنا بقول الكلام دة كل سنة؛ دا آخر دوري هياخده النادي الأهلي والزمالك هياخد الدوري العشر سنين اللي جاية".

وواصل: "شعري وقع والأهلي لسة بياخد الدوري؛ عزلت من المنيل لـ6 أكتوبر والأهلي لسة بياخد الدوري جات الكورونا وعملت دايت وخسيت والأهلي بردو بياخد الدوري".

واختتم: "أنا عايز أتصور جنب الدرع حتى لو جوة النادي الأهلي ولما الزمالك ياخد الدوري نبقى نحط الصورة".