ابنة فيروز تكشف تفاصيل جديدة عن مرض ووفاة شقيقها زياد الرحباني
كتبت ريما الرحباني ابنة الفنانة فيروز وشقيقة الموسيقار زياد الرحباني عبر حسابها الخاص على موقع التواصل الاجتماعي "فيس بوك" منشور كشفت خلاله تفاصيل جديدة عن وفاة شقيقها ومرضه.
وقالت ريما، إن زياد الرحباني شقيقها توفي نتيجة خطأ طبي، معقبة: “زياد ما اتشالش منه جزء من الكبد ولا البنكرياس، زياد ماكانش وصل لمرحلة زراعة الكبد، زياد ماكانش محتاج فلوس من حد، لا من دولة ولا من أي جهة تانية، وأكيد ماكانش بيلم فلوس من حد! عيب الكلام ده، زياد أمه وأخته كانوا معاه وفضلوا جنبه من أول عمره لآخر عمره”.
وأضافت: "زياد كان متعلق بالحياة وبيحبها، وبيخاف من الموت، وبيخاف على نفسه، كان مؤمن وثوري. إيمانه كان أقوى من إيمان ناس كتير مؤمنين من غير ما يسألوا أو يشكوا. يعني زياد ما استسلمش غير لحب أمه وأخته، وأخته قبل أمه، لأنه كان عارف إن الأم هي «أم»؛ بتحب من غير شروط ولا قيود، ومش مهم عندها تفهم، هي كل اللي يهمها إنها تحب، ومابتعرفش تعمل حاجة غير إنها تحب.
تصريحات ريما رحباني
وتابعت: زياد مات بسبب غلطة أو إهمال طبي من أطباء هو كان واثق فيهم، وكان بيرفض بشكل قاطع إنه يستشير أطباء غيرهم، ويبدو إنهم هم ماكانوش واثقين فيه! إهمال أو غلطة، غلطة كبيرة جدًا.. ربنا ما يسامحش اللي كان السبب، مع إني كمسيحية المفروض أسامح، لكن لأول مرة مش قادرة، لأن زياد ماكانش ينفع يتعمل فيه كده.
واختتمت ريما منشورها قائلة: “بفضّل أكتفي لحد هنا، لأن في الأساس كل ده ماكانش يخص أي حد، لكن لما الكلام والإشاعات زادت، وبقت بتتقال كأنها حقائق، كان لازم صاحب الحق يصححها، فعشان كده هكتفي بالعناوين، وإن شاء الله ما اضطرش في يوم إني أنشر النشرة كاملة”.
