إمام عاشور: «لازم أبوس الدبلة بعد أي هدف.. وزوجتي زعلت مني بسببها»

روى إمام عاشور نجم منتخب مصر والنادي الأهلي تفاصيل طقوسه الخاصة بعد تسجيل الأهداف.

وقال إمام عاشور خلال ظهوره في برنامج "معكم" مع الإعلامية منى الشاذلي على قناة "On": "لازم أبوس الدبلة بعد أي هدف، مرة سجلت لكن الكاميرا ما جتش عليا، روحت البيت لقيت فيه زعل وكلمت المصورين علشان يبعتولي الصور".

فيما علقت زوجة اللاعب إمام عاشور قائلة: "ده احتفال كل اللاعبين بتعمله وبيكون بحب يعني، واحد متجوز وبيحب مراته فبيعملها".

وأضافت: "على طول بيعمل الاحتفال ده، وأنا عمري ما طلبت منه أنه يعمله".

إمام عاشور يتحدث عن لقطته الشهيرة مع حسام حسن في المونديال

وعن لقطته الشهيرة مع مدرب المنتخب حسام حسن في كأس العالم، أوضح إمام عاشور أنه فوجئ بانفعال الكابتن حسام، قائلًا: "الكابتن حسام لما بيتعصب بيظهر عرق في رقبته، أنا ساعتها افتكرت هيضربني، واللاعب محمد علاء اللي كان جنبي كان خايف برضه".

وأكد "عاشور" أنه يكن احترامًا كبيرًا لحسام حسن، مشيرًا إلى أنه وقف بجانبه كثيرًا منذ توليه تدريب المنتخب، وأضاف: "في الأول مكنتش فاهم دماغه، لكن مع الوقت فهمت هو عاوز إيه مننا، وبشكره لأنه رجعني من الإصابة بعد 6 شهور ورجعني الملعب تاني، وخلاني أشارك في كأس العالم".

كما تحدث عن موقفه مع المدرب في الأتوبيس المكشوف خلال الاحتفالات، قائلًا: "لازم نعمل علامة النصر لو واقفين جنبه، وكان في حد مغمى عليه وأنا كنت مركز معاه، الكابتن سألني مالك، وبعدها فضل يشاور للجمهور".