عمر كمال: «شهادة لله.. محمود الليثي الوحيد اللي في المجال ماشي مستقيم مالوش في السهر ولا البنات»
قال المطرب عمر كمال، إن المطرب محمود الليثي، يحب عمله جيدا وملتزم مع الأسرة، ويحب الجميع بدون أي حقد أو ضغينة.
عمر كمال: محمود الليثي لا بيشرب سيجارة ولا كاس ولا بنات
وكتب عمر كمال عبر حسابه على فيسبوك: «شهادة لله وأتحاسب عليها قدام ربنا.. لو شوفت مطرب في المجال ده مستقيم وماشى بما يرضى الله فهو محمود الليثي، لا سيجارة ولا كاس ولا بنات ولا سهر ولا عمره شوفته بيعمل شئ ممكن يخليه يتوه عن شغله وأكل عيشه وبيته وعياله.. ولو حبيت أتعلم منه حاجة قبل الفن فهتعلم منه الالتزام وإني أعمل بيت وأسرة وأراعي ربنا فيهم».
عمر كمال يتحدث عن حياته الشخصية
وكان قد أوضح المطرب عمر كمال تفاصيل مهمة عن حياته الشخصية، لافتا إلى أنه ينتمي إلى أسرة بسيطة ومتدينة.
أضاف المطرب عمر كمال، في لقاء مع الإعلامية ياسمين عز، مقدمة برنامج كلام الناس، المذاع عبر قناة ام بي سي مصر، مساء اليوم الجمعة، أن:"طلبت من ربنا شهرة وفلوس وخد مني الخلفة والجواز وتحقق هذا الأمر.. ومافيش جوازه بتكمل ليا ومعايا كل العربيات والشهرة والفلوس".
وتابع المطرب عمر كمال، أن:"كل مشروع جواز مش بيكمل ولا حاجة ماشية خالص.. ودعيت ربنا بالجواز والخلفة ولسه ربنا مأردش".
