بيومي فؤاد يعتذر لمحمد سلام: أنا عارف معدنك
اعتذر الفنان بيومي فؤاد إلى الفنان محمد سلام، عقب ظهوره في بودكاست "شقة التعاون"، تقديم الفنان حسام داغر، وذلك على ما بدر منه الفترة السابقة، مؤكدًا على احترامه الشديد له.
ووجه بيومي فؤاد رسالة إلى سلام باكيًا: "نفسي أشوفلك حاجة في رمضان السنة دي، ربنا يوفقك ويصلح الحال وأنا عارف معدنك، ربنا يعدي المسأله على خير وأنت تعلم مين بيومي فؤاد كويس وربنا يوفقك وتكسر الدنيا وأشوفك في كل الشغل".
وأضاف: "لو زعلان مني أو لو ضايقتك في أي حاجة بجد أنا آسف، عشان كدا الناس زعلوا مني أوي، لكن أنا أخطأت ودا حق الخطأ ويمكن ربنا عمل كدا لأن احنا ماشيين في الدنيا بنغلط وبنتنمر وبنهزر وبنغضب وحاجات كتير".
