عاجل.. باسم يوسف: أخدت 22 مليون دولار ومستعد للظهور في الأفلام وأعياد الميلاد والزفاف
علق الإعلامي باسم يوسف، على الأنباء التي تم تداولها بشأن حصوله على 22 مليون جنيه، لظهوره لأول مرة على شاشة مصرية بعد غياب 10 سنوات.
وقال يوسف خلال مشاركته ببرنامج كلمة أخيرة للإعلامي أحمد سالم، المُذاع عبر قناة ON، ساخرًا: إن مشكلتي كل ما بظهر في لقاء أو برنامج، دائمًا تطلع إشاعات إني واخد فلوس قد كدة، ودة بيهدد زواجي، طبيعي لما مراتك تشوف الكلام دة تشك فيك، وتقول أنت بتودي الفلوس فين، أنت متزوج عليا وفاتح بيت تاني.
وأضاف الإعلامي الساخر: لا ماخدتش 22 مليون جنيه، أنا أخدت 22 مليون دولار، علشان كل الناس اللي قائمين على الإعلام في العالم الغربي، دة أجري وسعري 22 مليون دولار، وعلى الاستعداد للظهور في الأفلام وأعياد الميلاد والزفاف، وعن ارتباط اسمه دائمًا بإثارة الجدل، أوضح: التوقعات والضجة مش عارفة قائمة على إيه لأني شايف إن لا استحق كل هذا، ساعات بحس إني في مكان مش بتاعي، مش عارف إذا كنت محظوظ ولا موجود في مكان ماستحقوش.
وتابع يوسف: أنا طول عمري الراجل الغلط في المكان الغلط، حياتي كلها كدة، دئامًا بلاقي نفسي في مكان مش بتاعي، ودة شيء مبرجلني، يعني واحد بيحب الكوميديا وبعدين لاقيت نفسي في أخبار السياسة عن أخبار الكوميديا.
