أبرز تصريحات دينا فؤاد مع أميرة نور
حلت الفنانة دينا فؤاد ضيفة على برنامج "لمن يهمه الأمر" مع الإذاعية أميرة نور، وأدلت دينا بمجموعة من التصريحات حول مسلسل "حق عرب" وعلاقتها بالفنانين أحمد العوضي وأمير كرارة، ورغبتها في العودة لتقديم البرامج.
أبرز تصريحات دينا فؤاد
- شخصية "حنان الغرباوي" في مسلسل "حق عرب" تعبتني جدا، وبذلت مجهود كبير عشان أخرج منها.
- أصعب ما في شخصية "حنان الغرباوي" إنها شخصية مركبة وفيها مختلف أنواع المشاعر، ويعتبر قدمت فيها أكتر من دور.
- فرحت جدا بنهاية شخصية "حنان الغرباوي" في "حق عرب" لأنها نهاية قوية وفيها تحدي كبير ليا كفنانة.
- النجاح دايما بيستوقفني لأني لازم في الخطوة اللي بعديه أقدم حاجة بنفس المستوى، وده بيتوقف على الورق اللي بيتعرض عليا.
- فيه كيمياء ونجاح بيني وبين النجم أحمد العوضي، بعد تعاونا من قبل في "الاختيار" و"اللي مالوش كبير".
- ذاكرت شخصية "حنان الغرباوي" وتخيلت تفاصيل كتير عنها، زي مثلا مشهد النهاية لما بتتجنن وكل حاجة بتروح منها.
- من زمان وأنا بحلم أقدم شخصية مجنونة في فيلم أو مسلسل، وحققت حلمي في "حق عرب".
- لما بشوف ناس مجنونة في الشارع كنت بسأل نفسي إيه الضغوط اللي مروا بيها وخليتهم يبقوا كده.
- أجمل ما في مسلسل "حق عرب" إنه قدم رسالة توعية مؤثرة ضد الإدمان، وفيه شباب كتير تواصلوا مع أرقام مكافحة الإدمان بعد ما شافوا المسلسل، وتفاعلوا مع شخصية أحمد العوضي.
- أحمد العوضي كان خايف عليا في المشاهد اللي بيضربني فيها، وكان بيقول للمخرج خايف أكسر لها وشها، بس المخرج إسماعيل فاروق صمم وخلانا نعيد أكتر من مرة.
- في مشهد اتضربت قلم على ودني، وحسيت إني هموت من الألم وكنت مش عارفة أسمع بودني.
- بوجه رسالة لكل بنت، ما تسمحيش لحد يضغط عليكي ويخليكي تعملي حاجة غلط، وما تاخديش قرارات سريعة توديكي لحته ما تعرفيش ترجعي منها تاني.
- عشان أرجع أقدم تاني وأبقى مذيعة، محتاجة لفكرة قوية ومختلفة، وفيها إبهار وتكاليف كبيرة ومسرح.
- بحترم أمير كرارة جدا في عودته لتجربة التقديم ببرنامج "سهرانين" مع أهم النجوم، وشايفة إن البرنامج أضاف لرصيده.
- بتمنى لو هرجع تاني للتقديم، أقدم برنامج مع أمير كرارة، وبينا كيمياء من وقت مسلسل "كلبش"
