الإثنين 17 يونيو 2024 الموافق 11 ذو الحجة 1445
رئيس التحرير
شيماء جلال
عاجل
أخبار

شاهد.. أحمد موسى يعلق على خسارة الأهلي في القمة أمام الزمالك

الإعلامي أحمد موسى
الإعلامي أحمد موسى

علق الإعلامي احمد موسى، على خسارة الأهلي أمام الزمالك بهدفين مقابل هدف، في المباراة التي أقيمت بين الفريقين مساء اليوم بالدوري.

تهنئة الزمالك

وقال موسى، خلال برنامج "على مسؤوليتي" المذاع على قناة "صدى البلد": "مبروك لجماهير نادي الزمالك الماتش انتهى مباراة رائعة على الأقل الشوط التاني، الشوط الأول كان مغلق والفريقين قافلين".

وأضاف: "الأهلي له ضربة ركنية أو ضربة تماس، مش لاقي الكورة، والحكم بالظبط 6 دقائق و26 ثانية وكان لازم يزود دقيقة أو دقيقتين على الوقت الضائع، الكابتن إبراهيم نور الدين أكرمه الله قرر أنه لا يضيف إلا 26 ثانية وهي ولا شيء".

وتابع: "مبروك لجمهور نادي الزمالك، الأهلي لعب بمنتهى القوة ونادي الزمالك كان داخل من الأول عايز يفوز، هي قمة مصرية هي الأفضل والأكثر مشاهدة مش مهم تلعب المهم تكسب، الزمالك عمل كده الأهلي لعب كويس جدًا، الشوط الثاني كسب، ولكن إمبارح ليفربول ضيع 20 جول ونيوكاسل كسب واحد صفر، الأهلي النهاردة عمل كده ضيع 7-8 أهداف والزمالك فاز بالتلات نقاط".

وواصل: "هذه هي كرة القدم، العب كويس أوي ولكن المهم النتيجة، النتيجة دلوقت إن الزمالك حصد الثلاث نقاط، مبروك لنادي الزمالك، آخر فوز للزمالك على الأهلي في الدور الأول كان من 2003-2004 من عشرين سنة بجول جمال حمزة".

مستويات اللاعبين

وأوضح: "عبد الله السعيد النهاردة مكانش في حالته، ومدرب نادي الزمالك كان عنده رؤية، ونزل سيب الجزيري، اللي خلص الماتش، ودفاع الأهلي فيه مشكلة".

وأكمل: "كابتن إبراهيم نور الدين كان تعيينه كحكم للمباراة كان عليه علامات استفهام كبيرة من الجماهير، والنادي الأهلي النهاردة يمكن الشوط التاني هو اللي فرق معانا، والشوط الأول مكانش الأداء المطلوب والفريقين كانوا مقفلين كويس أوي".

واختتم: "قفشة النهاردة كان في مستوى كويس جدًا، ورضا سليم كمان، ولكن لما تضيع أهداف بيدخل فيك أهداف ودا اللي حصل في المباراة، ولكن في اآاخر استمتعنا بالقمة بكل روح رياضية، مبروك لنادي الزمالك، وللكابتن حسين لبيب، وفي الآخر بنتكلم عن كرة قدم، والروح الرياضية هي الأهم، وفي الآخر هي مباراة في كرة القدم".