السبت 20 أبريل 2024 الموافق 11 شوال 1445
رئيس التحرير
شيماء جلال
عاجل
أخبار

خيري رمضان يرد على تصريحات رئيس شعبة الذهب: "الـ150 مليون دولار منين؟"

الإعلامي خيري رمضان
الإعلامي خيري رمضان

علق الإعلامي خيري رمضان على تصريحات أحد مسؤولي شعبة الذهب والمجوهرات بالغرف التجارية والتي انتقد فيها المداهمات الأمنية لبعض تجار الذهب.

وقال رمضان خلال برنامج "مع خيري" المذاع على قناة "المحور": "امبارح مسؤول من شعبة الذهب قال يا جماعة المداهمات الأمنية بتأثر على سعر الذهب وعدم اعلان نتائج التحقيقات بتأثر على سوق الذهب؛ وأنا عايز أقوله بزمتك المداهمات الأمنية هي اللي بتأثر على سوق الذهب".

وأضاف: "كنت عايز سوق الذهب يمشي زي ماهو ماشي النهاردة عايز سعر الجرام يوصل إلى 4400 جنيه بلا مبرر والذهب ينخفض في الخارج؟ المداهمات الأمنية اللي أدت إلى قبضت على أكتر من 15 بينهم رجال أعمال؛ تم ضبط ايه عندهم؟ كميات دهب شكلها ايه طيب الدولارات؟ 150 مليون اللي متخزنة في مخازن خاصة منين؟ هو احنا يجب أن نشكر الداخلية ونقولهم كمان".

وتابع: "السبايك اختفت في السوق لان في ناس متهمين؛ عايز وزارة الداخلية تطلع الاتهامات دلوقت وهي لسه بتحقق؟ احنا بنشكر وزارة الداخلية وبنطالبها بقبضة من حديد عشان في أجهزة أخرى متقاعسة عشان الدولار بقي بـ 69 و70 و71 هل ده سعر الدولار؟".

وواصل: "كنت قاعد مع مجموعة من المستثمرين وقالي أنا اضطريت أوافق على سعر 69 وبعدين بعد ساعة في اتفاق تاني بـ 71 وأنا اضطريت أوافق عشان امشي شغلي هل ده سعر الدولار؟ هل دا سعر الدهب؟ الجنيه الدهب وصل إلى 32 ألف جنيه هل دا الطبيعي؟".

وأوضح: "هل الطبيعي أن الحديد يتجاوز الـ 60 و62 ألف جنيه في حالة جنون ياجماعة وليسمح لي رئيس الوزراء وبكل احترام ايه اللي بيحصل؟ حضرتك طلعت وقلت إن مشكلة الدولار هتتحل قريب أوي وهيكون في سعر موحد خلال أسابيع".

وذكر: "أنا مقداميش غير حلين أما انكم مش واخدين بالكم من اللي بيحصل وأنا بستبعد ده لأن كل الناس عارفة؛ والحل التاني انكم عاملين فخ وعايزين السوق يجيب أخره عشان لما تدخل وتضخ ناس كتير يتخرب بيتها من اللي بيتاجروا في الدولار".

واختتم: "هننتظر ولكن الأسعار التانية ضربت البطاطس غليت والبصل غلي واللحمة غليت والمدارس بترفع وكل الشركات بترفع ومع ذلك مفيش حد بيقول حاجة ولا بيكلمنا".