أول تعليق من أحمد موسى على خسارة الأهلي في كأس العالم للأندية

علق الإعلامي أحمد موسى على خسارة الأهلي أمام فلومنينسي البرازيلي بهدفين دون رد في نصف نهائي بطولة كأس العالم للأندية.

وقال موسى خلال برنامج "على مسؤوليتي" المذاع على قناة "صدى البلد": "خلاص فقدنا فرصة اللعب على المركز الأول في كأس العالم للأندية؛ وهنلعب على الميدالية البرونزية؛ كان عندنا كل الاماني والطموحات؛ ومشكلتنا يوم ماتش الاتحاد قلنا لا مهاجم ايه احنا عندنا مهاجمين ما شاء الله وجبنا تلات أهداف في الاتحاد السعودي وعملنا ماتش رائع والنهاردة اتغلبنا يقولك عايزين نجيب مهاجم".

وأضاف: "يوم ماتش الاتحاد سجلنا 3 أهداف ولكن نتحمل ومنضغطش على اللاعيبة لأن عندنا ماتش يوم الجمعة نساعدهم ونقف جنبهم ونشكرهم؛ الأداء مكانش الأفضل ومكانش دة الأهلي اللي احنا عايزينه؛ كل دة أنا بساعدك وبقولك كان نفسي ألعب النهائي".

وتابع: "فلومينسي البرازيلي مكانش الفريق القوي أو المتعب؛ كان فريق عادي تكسبه ولكن مكانش دة يومنا ومكانش يوم الأهلي؛ هو كان الشناوي النهاردة ولولا الشناوي في أخر 7-8 دقائق الجول دة الهدفين كانوا يبقوا أربعة؛ الشناوي شال هدفين في أخر تلات دقائق".

وواصل: "الشناوي أحسن واحد موجود النهاردة بيدافع عن عرينه؛ فريقنا فريق محترم جدا وليس نهاية المطاف؛ كولر هو اللي اشادنا بيه لما فاز على الاتحاد والنهاردة كولر هيتعرض لحملة رهيبة وبعدين؟ احنا يوم فوق ويوم تحت".

وأوضح: "نقف ورا النادي الأهلي عشان ماتش الجمعة دا اللي مطلوب النهاردة وبعدين نحاسب ودي فرص بتجيلك فرصة جاتلك خلص البرازيلي من أنصاف الفرص سجلوا وأنت بتلعب قدام فريق مش هيديلك أي فرصة".

وذكر: "الأهلي النهاردة ساند النادي الأهلي مينفعش حملة على اللاعيبة والمدرب؛ اقف مع فريقك وساعدوهم نقف معاهم ولا نقعد نهد في الفريق؟".

وحجز فلومينينسي البرازيلي تذكرة التأهل لنهائي كأس العالم للأندية بفوزه على الأهلي المصري بنتيجة 2-0 مساء اليوم الاثنين على ملعب (الجوهرة المشعة) بالمملكة العربية السعودية في دور الأربعة للمونديال.

وسجل جون أرياس من ضربة جزاء في الدقيقة 71 لصالح فلومينينسي الذي أحرز الهدف الثاني في الدقيقة 90 عن طريق جون كيندي.