أحمد موسى يكشف عن هدف حملات الإعلام الغربي ضد مصر
أكد الإعلامي أحمد موسى، أن هناك حملات من الصحافة الأجنبية ضد مصر تزداد كلما اقتربت البلاد من الانتخابات الرئاسية.
وقال موسى خلال برنامج "صالة على مسؤوليتي" المذاع على قناة "صدى البلد": "في ناس بيستغلوا أننا داخلين على الانتخابات الرئاسية وكلما اقتربت الانتخابات هتلاقي حملات داخلية وخارجية".
وأضاف: "أحد السفراء المحترمين النهاردة بعتلي تقرير على دويتش فيله؛ حاجة في منتهي القذارة والسفالة وفورين بوليسي من يومين وعندك البي بي سي على مدار الساعة؛ المخابرات الإنجليزية يعني وطبعا قنوات أذرع المخابرات الإنجليزية بتاعة عبد الرحمن أبو دية وعزام التميمي".
وتابع: "كله شغال هوهوة ضد مصر؛ كل دول هما دول بيحبوا الشعب؟ بيحبوك؟ خايفين على مصلحة مصر؟ عمرهم لا كانوا ولا هيكونوا؛ خايفين على حاجة واحدة بس جماعة الإخوان الإرهابية لا يعنيهم الشعب ولا الدولة".
وأكمل: "مين العقبة أمام عودة جماعة الإخوان الإرهابية أقولها تاني؟ كل اللي بيشتغل دة عايز حاجة واحدة ألا يكون الرئيس عبد الفتاح السيسي في المشهد؛ هو اللي واقف أمام عودة جماعة الإخوان مرة أخرى أو حتى اندماجهم؛ أي حد ممكن؟ أه وفي ناس مدفوعين من الإخوان يحملوا أجندة الإخوان؛ أول حاجة مثلا أنا بقولك الحقائق".
وواصل: "قد لا يكون هناك من يريد أن يتحدث ودوري أشرحلك الحكاية برة وجوة؛ الرئيس قالها مرة و20 ومليون لأنه يعلم الحقيقة اللي احنا منعرفهاش؛ أتكلم عنها قبل كدة ولكن هناك ما لم يعلنه الرئيس حتى هذه اللحظة؛ أعلن كتير ولكن مازال هناك الأكثر؛ أمام كل دة أنا مواطن مبقاش شايف؟ أنا شفت وجربت وشفت بيهددونا ازاي؛ لسة تاني؟ وتفتكر حضرتك أسهل حاجة نعمل مصالحة مع الإخوان".
واختتم: "جميع التقارير الكاذبة والشائعات سوف تتوقف فورا لو حد نطق وقال هنعمل؛ طيب هل كشعب تقبل؛ هو دة الموضوع خلي بالك مفيش حاجة أخرى؛ هي الحاجة الوحيدة ترجع الإخوان؛ طيب ترجع الاخوان تفتكر؟ طيب تمنها اية طيب أحنا فين كشعب؟ اللي أنت عملت وقمت وقلت لا يمكن يستمروا بعد سنة".
