أحمد موسى يهاجم الحكومة: "هو مفيش غير جيب المواطن؟"
عبر الإعلامي أحمد موسى عن استيائه من إصرار الحكومة على الاتجاه لفرض رسوم على السلع والخدمات وفقا لتعديلات قانون ضريبة الدمغة من أجل سد العجز في الميزانية على حساب المواطن المصري.
وقال موسى خلال برنامج "على مسؤوليتي" المذاع على قناة "صدى البلد": "أنا لقيت كل حاجة زيادة وحتى لو أنت رايح الأوبرا أو عامل احتفالية؛ نادي عامل حفلة بتدفع الناس فلوس طيب ما تشوف بنود أخرى بعيدا عن دة".
وأضاف: "أنا بناشد مجلس النواب أمامكم مسؤولية تاريخية غدا أمام الشعب مش أمام أي حد لأن اللي بيتعمل دة خطر للغاية؛ كفاية ياجماعة زيادات الفترة دي كفاية ضغط على المواطن الفترة دي كفاية تحملوا المواطن حاجات وهو مش قادر أصلا لما يجي يقولك 4-5 جنيه يارب لو جنيه مهو جنيه في السلع دي والتانية أربعة والتالتة 15 وفي النهاية في مبلغ".
وتابع: "هو أنا بدي للمواطن حاجة من هنا وأزودهاله من هنا؛ يجي يقولك السلع دي أصلها مش مؤثرة بغض النظر؛ كل واحد بياكل على قد مقدرته في حاجات تاثيرها على الفنادق ايه؟ وتاثيرها على قطاع السياحة ايه؟ في الاخر في مواطن عنده مقدرة يروح يتغدي يتعشى هو حر".
وواصل: "دا لازم أراعيه ودا لازم أراعيه ولا أنا بعمل تمييز؟ أراعي الجميع وهنا بتكلم عن كل الشعب أنا عايز أراعي دة ودة واللي براعيه هنا بيدفع ضرايب ولازم احافظ على القاعدة العريضة من الشعب المصري؛ أن مبقاش أن أنا كل شوية كأن عندي حاجة واحدة".
وأكمل: "أنا عندي مشكلة أعمل ايه؟ أسهل حاجة المواطن معنديش حاجة أخرى هل دة كله في العالم؟ هل في العالم لما يبقي مزنوق يلجأ إلى المواطن؟ ابحث عن جيب المواطن؛ المواطن النهاردة عشان أسدد عندي مشكلة في إنفاق حكومي فأروح للمواطن تعالي اتفضل تعالي أدفع كذا".
واختتم: "ياجماعة شجعوا دوروا على حاجات بعيدا عن المواطن في هذه المرحلة في الشهور دي تحديدا أنا بأعلى صوتي بتكلم وبتكلم لأن أعلم المواطن بيقول ايه ولأننا بنتكلم بلسان المواطن لازم كلنا نراعي هذا المواطن ومينفعش في هذا التوقيت أجي حتى أتكلم على البن؛ هو البن دة سلعة ترفيهية؟ حتى لو أنا في نادي سألت النائب ياسر عمر قالي أه والأندية هو أنت بتدخل ببلاش يقولك لا ندفعه على الأكل".
