تامر أمين يعلق على مشاركة زاهي حواس في فيلم من إنتاج نتفليكس

علق الإعلامي تامر أمين، على مشاركة عالم الأثار الدكتور زاهي حواس في فيلم وثائقي من إنتاج منصة نتفليكس الأمريكية.

وقال أمين خلال برنامج "أخر النهار" المذاع على قناة "النهار": "عملت حملة على الفيلم المعمول على المنصة الأمريكية نتفليكس واللي كان بيتناول كليوباترا وقلت إنه فيه مغالطات تاريخية كبيرة ".

وأضاف: "الدكتور زاهي حواس كان معايا على التليفون وأدى فين يوجعك لمنصة نتفليكس وقال إن الفيلم في مغالطات وأن هو بيلف في الولايات المتحدة عشان يرد على الأكاذيب اللي طلعت في الفيلم عشان يوضح الحقيقة".

وتابع: "أقرا النهاردة خبر؛ أعلنت منصة نتفليكس عن بدء عرض سلسلة وثائقية جديدة تحت عنوان "مجهول" ويروي المسلسل المكون من 4 أجزاء قصص هو استكشاف مناطق مجهولة حول العالم".

وواصل: "فيلم منهم بعنوان الهرم المفقود ويسعى خلاله اتنين من أشهر علماء المصريات في العالم لاكتشاف الكنوز القديمة التي تقبع في رمال منطقة صحراء سقارة المصرية؛ يبحث دكتور الأثار الشهير زاهي حواس عن الهرم المفقود بينما يبحث منافسه وتلميذه مصطفى وزيري عن ضريح غير مكتشف في مقبرة قديمة".

وأوضح: "ايه بقي؟ اللي فهم منهم يقولي؟ يبقي معايا والنهاردة يضم الاية؛ أقول إيه لشعبي وناسي منين يا دكتور زاهي كنت معايا على التليفون الأسبوع اللي فات ونكيل الاتهامات إلى نتفليكس على انها زيفت الحقائق في فيلم كيلوباترا وبتعمل مؤامرة والنهاردة أمضي معاها عشان أعمل فيلم عندهم".

وأكمل: "أنا عارف أن في ناس ومش هقول إن هما غلط؛ أنا مبحبش أقول إن اللي مختلف معايا في وجهة نظري غلط؛ هنا في مدرستين؛ مدرسة تقولك هذه نقرة وتلك نقرة يعني دا موضوع ودة موضوع لما كانوا مزيفين للحقائق واجهناهم وفضحناهم ولما هيعملوا حاجة كويسة نبقى معاهم ودي مفيهاش ازدواجية دي مدرسة ونحترمها بس أنا مش معاها".

وواصل: "أنا مع مدرسة أن انا متعاملش غير مع الواضح والسليم وغير مع اللي شغله بيتكلم عن نفسه ومتعاملش مع واحد بيمشي على سطر ويسيب سطر ومتعاملش مع منصة تعمل فيلم حلو وبعديه مصيبة زي فيلم أصحاب ولا أعز دة والا فيلم كيلوبترا".

واختتم: "هعمل معاها ديل هتقوم لاسعة مصيبة بعديها؛ أنا معرفش يمكن دي طبيعة بشر أو شخصيات وسلوك؛ انا مدرستي أن أنا اتعامل مع الواضح".