الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
أخبار

عمرو أديب يطالب الدولة بالتدخل لحل أزمة الزمالك

عمرو أديب
عمرو أديب

علق الإعلامي عمرو أديب؛ على تراجع مستوى الزمالك والتخبط الإداري الذي يمر به النادي خلال الفترة الماضية مطالبا الدولة بالتدخل لحل الأزمة.

وقال أديب خلال برنامج "الحكاية" المذاع على قناة "أم بي سي مصر": "أحنا كنا قبل كدة من غير مجلس إدارة خالص وخدنا دوري؛ الفرقة دي خدت دوري وخدت كاس وكان ممكن النادي دة يكمل؛ الأهلي مش منور أوي ومش في أحسن حالاته لكن أنت اللي تدهورت أوي".

وأضاف: "كفاية حالة الانكار الموجودة عندنا؛ ما تعرفوا اية السبب ما تعرفوا ايه السبب واية اللي موصلنا لكدة أحنا عايزين حد يقولنا احنا هنصلح النادي واحد اتنين تلاتة؛ النادي ملوش صاحب؛ طيب يا جماعة رئيس النادي ده هيرجع؟ احتمال طيب رئيس النادي دة هيمشي؟ وارد؛ طيب هنجيب لجنة من برة جايز نبص في القانون".

وتابع: "طيب وبعدين؟ اللاعيبة طالعة من الملعب امبارح متكسرة نفسيا وكل ماتش أسوأ من الماتش اللي قبليه وهو لا عارفله مدرب ولا عارفله حد يكلمه؛ احنا عايزين حد يرجع يقولنا ياجماعة النادي دة خلاص لا هياخد دوري ولا كأس ولا أفريقيا".

وواصل: "على فكرة أنا ملياش دعوة مين اللي هياخد ايه؛ يارب الأهلي ياخد البطولات كلها أو مياخدش؛ أنا مالي أنا ليا النادي بتاعي طالما النادي بتاعي تعبان هي دي المشكلة؛ أنا عايز أعرف هي الدولة بتتفرج ليه؟ يوم أه ويوم لا بتكتب على سطر وتسيب سطر؛ الفلوس اللي بتضيع دي فلوس الدولة فلوس الناس".

وأوضح: "ليه محدش عايز يتصرف؟ أنا بقول شوية استقرار النادي يشم نفسه؛ هي البلد وقعت؟ هي الدنيا خلصت هو مفيش حل؟ هو خلاص كدة الناس يتساب أو قولولنا خلاص هو يقع وتبقى حادثة قولولنا أن النادي هيتساب لايه؟ عزبة هيتساب لرحمة ربنا هيتساب يجرا اللي يجرا فيه".

واختتم: "قولولنا ياجماعة عشان الواحد كل مرة يقولك طيب خلال اللاعيبة اتقيدت طيب خلاص هيجيبوا مدرب؛ أنا مش فاهم وزير الشباب والرياضة موقفه مش واضح مش عايزين ندايق حد أو نعمل حاجة تطلع غلط بعد كدة؛ طيب هنعرف أمتي؟ مسألة غريبة جدا لما تروح عند دة يقولك شوف دة؛ ماشي ياجماعة أنتوا كلكم ملكمش رأي؟ مين الباشا اللي عنده الرأي في الموضوع دة؟".