الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
فن ومنوعات

تارا عماد: اتخرجت بعد 8 سنين.. بس مكنتش فاشلة

الرئيس نيوز

كشفت الفنانة تارا عماد تفاصيل تخرجها من الجامعة بعد 8 سنوات من الدراسة في كلية الفنون التطبيقية، موضحة أنها نسيت حضور حفل التخرج بسبب انشغالها في العمل، وحزنت كثيرًا لأجل ذلك.

أضافت تارا خلال حوارها ببرنامج "معكم منى الشاذلي" على قناة cbc، أنها أنهت دراستها الثانوية في عام 2012، ثم جلست لمدة عامين كأجازة من الدراسة، قامت خلالها بالسفر والعمل، قائلة: "أخدت سنتين أجازة كنت بسافر أوروبا باخد ورش تمثيل وغيره وبعمل موديلينج.. كنت بشتغل لحد ما قررت أنا عاوزة ادرس ايه".

كشفت أنها نسيت موعد حفل تخرجها 

تابعت: "دخلت الجامعة في 2014 فنون تطبيقية 5 سنين.. بس أنا أخدتها في 8 سنين مش عشان أنا فاشلة أو بسقط.. هي كلية خطيرة وحلوة وبجد اتعلّمت حاجات كتير أوي.. بس مشكلتها إنها كانت كلها حاجات عملي وأنا شغلي كان أولوية ومشغولة فيه.. وكنت محتاجة أخلص الجامعة مش عشان حد بيقولي أنا محتاج شهادة أو فارضين عليا شهادة.. فكنت واخداها على مهلي".

في نفس السياق، أوضحت تارا عماد أنها نسيت حضور حفل التخرج الخاص بها، إذ انشغلت بالعمل، وحينما أرسلت إليها الجامعة إيميل بموعد الحفل، لم تره سوى بعد شهر من إقامته، مضيفة: "اتوجعت لما ده حصل عشان مامتي كانت مستنية اللقطة دي.. فكلمتها وكنت بعيط.. بس بعدها بكام يوم تجاوزت الأمر ونشرت صورتي بلبس التخرج برضو".