عمرو أديب يعلق على شائعة قناة السويس: "بيضربوك في تاريخك"

علق الإعلامي عمرو أديب؛ على الشائعة التي روجها أعضاء جماعة الإخوان الإرهابية حول توقيع عقد لمنح امتياز إدارة لقناة السويس إلى احدى الشركات الأجنبية.

وقال أديب خلال برنامج "الحكاية" المذاع على قناة "أم بي سي مصر": "الاشاعة بتاعة امتياز الـ99 سنة لقناة السويس معمولة بكثير من الشغل؛ الامضاءات والاختام والتسريب وأنت شايف أنت بتضرب فين؛ بيخبطك في تاريخك؛ هو جاي يضربك في قناة السويس اللي عمل الحكاية دي كام اسم معروفين وظهروا جديد وابتدا يتخانق معاهم ناس تانية اللي كانوا ماسكين الموضوع بتاع مصر".

وأضاف: "أنا أقول قولي هذا في 2023 أهم حاجة السنادي الثقة ألمني أن لقيت ناس مثقفة ومحترمة مصدقة الحاجات دي لدرجة أن في معارضين من اللي بيقبضوا قال احنا بنكره الإدارة دي ولكن ميوصلوش لكدة وألقى ناس من أبناء البلد قالك أه دول عايزين يبيعوا؛ يبيعوا ايه ياجماعة هو في حد يقدر يحط أسمه على عقد زي دة؛ مفيش حد تاريخا يعمل في نفسه كدة مهما كان بيفكر".

وتابع: "العقد دة في ناس تعبت نفسها تكتب تسعين صفحة وأختام وبتاع شغل معمول؛ أنا بقول للي عمل دة أن اللي حرر قناة السويس من أيدين المحتل لا يمكن يرجعها تاني في ايدين المحتل؛ المحتل سامعني كويس".

وواصل: "اللي حصل النهاردة وامبارح كان ليه ميزه عظيمة أنه أنت عرفت يعني أيه قناة السويس للمصريين؛ الناس تابعة نفسها وعاملة عقود ومكلفة؛ أنا معرفش الأسباب ودا اتعمل كدة ازاي؛ أنا بقول لحضرتك أتعمل شغل على ماية بيضا وأنا بقول لحضراتكم في ناس معرفتش أن في بيان خرج من قناة السويس وقالوا ياحسبي الله".

وأكمل: "أرجوكم شوية ثقة وشوية عقل؛ هتشوف ناس رجعت وبتتكلم وهتشوف تحالفات وجبهات وهتدق على الراس طبول كتير؛ هو محدش وقف أن في يوم 25 يناير مكانش في مطالبة لأي حاجة لأنه طبعا لقي في 11-11 خيبة".

واختتم: "أنا واصل لمرحلة أن أكتر الناس اللي بتكرهك مكانوش مصدقين قالك يا جماعة لا طبعا مضروبة ومتفبكرك؛ النهاردة رفض واضح من الناس حتى لو كان غضب غير رشيد وأنه مفروض كان توزن الكلام؛ الأيام الجاية هيدوروا على حاجات تانية وهندخل في أشياء أخرى؛ وهنشوف كتير".