الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

إبراهيم عيسى: دعوات مقاطعة دول أوروبية بسبب حرق المصحف غير رشيدة

الإعلامي إبراهيم
الإعلامي إبراهيم عيسى

وصف الإعلامي إبراهيم عيسى؛ الدعوات بمقاطعة الدول الأوروبية التي أقدم بعض مواطنيها على حرق المصحف الشريف بغير الرشيدة.

وقال عيسى خلال برنامج "حديث القاهرة" المذاع على قناة "القاهرة والناس": "حرق المصاحف اللي جرى؛ واقعة او اثنين أو حتى 10 كلها حوادث فردية؛ بيعملها مختل ومفيش حد أبدا يحرق كتاب مقدس عند ملايين البشر إلا أن يكون عقل مختل".

وأضاف: "لما ترد على التعصب والخلل ده ترد عليه إزاي؟ هناك بقي تبدو الرشادة المنسية المنتهية؛ هل يصح أنك تواجه عمل فردي بعمل ضد الجميع؟ اللي عمل ده مجموعة أو فرد في دولة فيها ملايين وفيها أجهزة".

وتابع: "الناس دي عملت جريمة المختلة هل أنت هتحاسب ملايين عليها؟ دا في شرع مين؟ هاتولنا الشرع وهاتولنا من كتاب الله أن احنا نعامل 10 مليون واحد بجريمة 5 أفراد".

وأكمل: "لما نثور غضبا نتصرف ازاي؟ طبعا إذا خاطبهم الجاهلون قالوا سلاما أنا هقول سلاما ناس مختلة ومجنونة أنا مش معني بيها؛ لكن في ناس أعصابها بثور ولكن هتعبر عن ده ازاي؟ تحرق ناس ملهاش ذنب".

وأوضح: "راجل جايب لك 5 كيلو جنيه من السويد هتقوله لا حد الله عشان عندكم واحد حرق المصحف هيقولك أنا مالي؛ هل دة يبقي تصرف راشد؟ المقاطعة ضد مؤسسات أو دول زي الحركة الصهيونية مثلا ولكن تقاطع دول أو مجتمعات أو حكومات عشان تصرف أفرد؟ هل دة ينفع؟ هل أنت ترضى تعامل نفس المعاملة؟ هتقولي ازاي؟ لما ارهابين مسلمين بيفجروا في أوروبا في فرنسا في السويد؛ تقوم السويد مقررة تقاطع كل الدول الإسلامية؟".

وأكمل: "لو هو بيتصرف بنفس الطريقة اللي مفيهاش رشادة بتاعتك أنت كمجتمع مسلم؛ فرنسا يوم حادث تشالي أبدو قبضوا على عشرة ولكن لو حصلت عندك في أي بلد عربي هيتقبض على 5 ألاف مستريح وفي الأخر مفيش أي حق انتزع من أي مسلمة أو مسلم في أوروبا نتيجة العمليات الإرهابية في أوروبا".

واختتم: "ممنعوش عنك الاستثمارات مثلا ولا المنح ولا المعونات ومقالوش لا غاز مصري لا عشان أيمن الظواهري فجرلنا مش عارف ايه مقالش كدة ولا واحد فيهم غير رشيد زيك طالب بمقاطعة البضائع المصرية عشان في مصريين إرهابيين فجروا مواطنيهم".