الخميس 02 فبراير 2023 الموافق 11 رجب 1444
رئيس التحرير
شيماء جلال
Advertisements
عاجل
أخبار

أول تعليق من عمرو أديب على هزيمة الزمالك أمام الأهلي: "هناخد الدوري"

أرشيفية
أرشيفية

علق الإعلامي عمرو أديب على خسارة نادي الزمالك أمام الأهلي بثلاثية نظيفة في المباراة التي أقيمت بينهما السبت الماضي في إطار منافسات بطولة الدوري.

وقال أديب خلال برنامج "الحكاية" المذاع على قناة "أم بي سي مصر": "احتفالية غير عادية ربنا يسعدكم هذا الاحتفال وكل الناس عايزة تسجله والناس جاية تقولي اية رأيك يا أستاذ عمرو ويعملي كدة تلاتين بإيديه".

وتابع: "من أول ما نزلت من الطيارة استقبال أهلاوي رسمي غير طبيعي طيب يا جماعة هو في ايه يقولولي أصل أنت قلت الزمالك هيكسب طيب أنا غلطان ياعم أنا حسبتها غلط ولا تفهم أي حاجة".

وأضاف: "المباراة دي حصل فيها 3 أشياء غير ممكنة؛ الغير ممكن الأول أن حمدي فتحي يوقف الكرة على صدره ثم يلعبها بدماغه ثم كهربا الراجل اللي بقاله 400 يوم ملعبش يجيب جول دا أول شيء".

وتابع: "تاني شيء غير ممكن أن شريف الحريف اللي هو قد انقطع تماما عن الحرفنة يجيب جولين من أعظم الأهداف؛ شريف الحريف يرجع حريف تاني".

وواصل: "الشيء التالت أن الزمالك يلعب كدة؛ دول التلات مستحيلات ولكن أنا عايز أقول حاجة؛ لا الأهلي هيفضل كدة ولا كهرباء هيفضل يلعب في الأهلي ولا شريف الحريف هيفضل حريف".

وأوضح: "الأهلي مش هيفضل كدة وكهربا مش هيكمل وان شاء الله يوم 2 فبراير ينقطع الفولت تلاته شريف مش هيكمل كدة أنا بقول للزمالك وهو عنده ماتش بكرة يا جماعة البيت الأبيض محتاج يتوضب والدوري مراحش لسة سنظل قادرون نقدر لسة ناخد الدوري الأهلي مش عقدة شوية معنويات وشوية إحساس الدوري لسة في الملعب وان شاء الله وارد جدا أن نعمل الثلاثية".

وأكمل: "بعون الله ناخد الدوري يا ولاد أوعوا يبقي عندكم أي احباط وأوعوا تصدقوا الحملات المضللة اللي عايزة تخلص عليكم؛ وبعدين بصراحة يعني الأهلي لعب كويس وبصراحة يعني الأهلي مش هياخد الدوري السنادي".

واختتم: "إلى كل مواطن مبسوط أن انا مدايق؛ الناس كانت بتدور عليا بمنكاش مفيش شارع أو مطعم في الرياض ألا وبيتكلموا معايا يا جماعة أنا مش رئيس النادي أنا مكنتش بلعب؛ لو كنت بلعب كنت هلعب أكثر من كدة دي ليلة نص البلد نامت حزينة".

Advertisements
Advertisements