الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

أحمد موسى يكشف موعد الانتهاء من المشاريع الزراعية الجديدة

الإعلامي أحمد موسى
الإعلامي أحمد موسى

أكد الإعلامي أحمد موسى؛ أن الدولة وضعت خطة لزيادة الرقعة الزراعية من أجل توفير الأمن الغذائي للشعب المصري وزيادة التصدير الزراعي إلى الخارج.

وقال موسى خلال برنامج "على مسؤوليتي" المذاع على قناة "صدى البلد": "العالم كله حس بالأزمة الحالية مش إحنا بس؛ الرئيس عمل اجتماع وطلب حافز أكبر للمزارع عشان توريد القمح هذا العام".

وأضاف: "الرقم بنتكلم عن 1250 إلى 1350 لسعر أردب القمح وهيكون الرقم كويس أفضل من العام الماضي؛ كنا بنكلم عن ألف جنيه للأردب؛ وعايز أبشر حضراتكم كمان في شهر يوليو اللي جاي دة إن شاء الله يكون مشروع مستقبل مصر خلص مليون فدان؛ وفي شهر يونيو 2024 يكون مشروع الدلتا الجديدة خلص 2.2مليون فدان تضاف إلى الرقعة الزراعية في مصر".

وتابع: "النهاردة بتتجاوز الحاجات اللي كان فيها مكون أجنبي دلوقت بتخلي المصانع تخلص؛ مشروع الدلتا الجديدة على طريق الضبعة هو مستقبل مصر".

وواصل: "بنزرع قمح ودرة وبنجر وفول والذرة الصفراء وبتزود هذه الزراعات الاستراتيجية وبتعمل مليون فدان في توشكي وكل دة عشان الأكل والأمن الغذائي؛ عشان ألاقي احتياجاتي".

وأوضح: "لو مفيش أمن غذائي هتلاقي سعر البصل والفاكهة والخضار بتزيد؛ أنت بتصدر بطاطس إلى روسيا والبلد شغالة على الصادرات الزراعية؛ منظومة الصادرات الزراعية هيكون لها عائد كبير في الفترة اللي جاية هيكون مكون مهم من الدولار".

وأكمل: "بتعمر الصحراء النهاردة والدلتا الجديدة كانت صحرا وبتعمرها وتوصل إلى 2.2 مليون فدان وبتعمل مجتمع تنمية ومكان استراتيجي وعندك مواني بحرية وبرية".

وذكر: "وفي وسط سيناء بتعمل 450 إلى 500 ألف فدان بالإضافة إلى 1.5 مليون فدان في الريف المصري؛ أنت النهاردة بتزود المساحات ولازم تعمل دة؛ احنا ما شاء الله بنصدر الفاكهة والخضار؛ السوق في العالم كله طالب بقي عندك كام سوق النهاردة؟ دا عائد دولار وثقة كمان وأنا بقول لأهالينا المزارعين المستقبل للزراعة؛ أحنا طول عمرنا دولة زراعية ولكن تحولنا لأن نستورد أكلنا".

واختتم: "بدل ما كنا كلنا بننتج والأرض بتاعتنا بنزرعها بقينا قاعدين وسايبين الأرض وبنجيب كل حاجة من برة".