ياسر جلال يعلن تبرعه بـ3 ملايين جنيه لصندوق "تحيا مصر"
أعلن الفنان ياسر جلال، تبرعه بمبلغ 3 ملايين جنيه لصالح صندوق "تحيا مصر" اليوم الأربعاء، داعيا زملائه من الفنانين بالتبرع.
وقال ياسر جلال: "المرة ديه بعلن عن الجهة والمبلغ اللي اتبرعت بيه لأني بتمنى إن كلنا نشترك ونعمل اللي نقدر عليه وبدعي زملائي النجوم أنهم يتبرعوا باللي يقدروا عليه، أنا عارف إن في منهم عمل الموضوع قبل كده بس لو عملوا ده تاني يبقي شيء عظيم".
وأضاف: "يعلم ربنا أن السبب اللي خلاني أعمل كده هو الأزمة اللي بتمر بيها مصر دلوقتي، أنا راجل لا غاوي شهرة ولا نجومية، أنا بشتغل وبخلص شغلي وبروح أقعد مع مراتي وأولادي، وبعمل ده لأن كلنا شايفين إن البلد بتمر بأزمة كبيرة والعالم كله بيمر بأزمة كبيرة وإن شاء الله الأزمة تعدي لما كلنا نقف جنب بعض".
يذكر أن أحدث أعمال الفنان ياسر جلال، مسلسل الاختيار 3، في رمضان الماضي، وحقق نجاحا كبيرا وشاركه البطولة أحمد السقا وكريم عبد العزيز وعدد كبير من نجوم الفن.
