الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
أخبار

الرئيس السيسي: الأزمة كبيرة وتحتاج بذل جهد أكبر خلال 2023

الرئيس نيوز

قال الرئيس عبدالفتاح السيسي، إن الظروف الحالية في عام 2023، تحتاج منا إلى بذل جهد أكبر خلال الفترة المقبلة.

جاء ذلك خلال فعاليات انعقاد مؤتمر التحالف الوطني للعمل الأهلي التنموي بحضور الرئيس عبدالفتاح السيسي، ومشاركة رئيس مجلس الوزراء الدكتور مصطفى مدبولي، وعدد من الوزراء وكبار رجال الدولة.

وأضاف الرئيس السيسي: "بصراحة ظروف عام 2023، محتاجة نبذل جهد أكثر، لأن الأزمة كبيرة وليها تبعات كبيرة، دي أزمة كبيرة وليها تأثير كبير، إذا كان كيان التحالف بيشتغل، أنا متصور محتاج يتضاعف الجهد في 2023".

وتابع: "بدعو الجميع للمساهمة أكثر، وإحنا من الحكومة أو صندوق تحيا مصر، نساهم أكثر من كده، أنا بهنيكم على التواجد بتاعكم، أنا على اتصال بيكم، وبكلم ناس فيكم، أنا متابع وشايف أفكار جميلة جدا تتناسب مع ظروف المجتمع، لما نلاقي حد زي الحاجة رضا منديهاش فدان ولا اتنين، نديها مزرعة كاملة، ربنا يوفقك، انتي من ستات مصر الجدعين، بهنيكم وكل سنة وانتوا طيبين، محتاجين مزيد من الجهد".

وزاد: "أنا سعيد بالنماذج التي تم عرضها اليوم.. دي نماذج من عدد كبير جدا من مصريين ومصريات مستفيدين من مبادرة التمكين الاقتصادي، بشكركم على النجاح، لأنكم نموذج وأمل للناس يشوفوا النجاح اللي اتحقق، أتمنى التوفيق للجميع، مش عايز أنسى، بشكر كل الكيانات التي تعمل في العمل الخيري، سواء داخل أو خارج التحالف، وده دور احنا محتاجينه، مؤسسة المجتمع المدني بتقوم بدور متعرفش الحكومة تقوم بيه، وده خلينا نعترف بيه يا دكتور مصطفى، عندنا أكثر من 50 ألف جمعية، الحشد اللي بيتم مطلوب".

وختم الرئيس بالقول: "الجهد اللي التحالف بيقوم بيه واضح جدا خلال السنة دي، لازم نشكر كل المساهمين سواء من مصر أو خارج مصر، بنشكرهم على دعمهم لأن الكلام ده بيتم من خلال دعم كل إنسان عنده الثقة وجواه الخير عشان القدرة والمساعدة اللي عنده تظهر للناس، يعني الـ10 مليار اللي اتقالوا، دي أموال متبرعين".​