شوبير يحسم الجدل بشأن مشاركة كهربا مع الأهلي بداية من 11 يناير
كشف الإعلامي أحمد شوبير حارس مرمى الأهلي ومنتخب مصر السابق الحقيقة حول الجدل الدائر بشأن مشاركة محمود عبدالمنعم كهربا مع النادي الأهلي بدء من 12 يناير المقبل عقب انتهاء إيقافه في 11 يناير.
وقال أحمد شوبير:«عشان نعرف الخلاصة في موضوع كهربا اتحاد الكرة بعت خطاب للفيفا قال فيه يا جماعة عندنا لاعيب اسمه محمود كهربا.. موقفه أيه من الايقاف؟ ومن كل شيء خاصة إن محامي اللاعب بيقول إن من حقه المشاركة بعد 11 يناير».
وتابع شوبير:«اتحاد الكرة رجع وأكد على الخطاب ده إمبارح بخطاب تاني وبيستعجل رد الفيفا، وبيقول نهاية الايقاف في 11 يناير والمحامي بيقول إن قرار الإيقاف بيقول بعد الموعد ده اللاعب يشارك حتى فترة القيد الجديدة في أوروبا والعالم، فأيه الصح».
وأضاف شوبير:«الأهلي قال لك مش هاخد بكلام المحامي برضه وهتأكد من الفيفا فاتحاد الكرة بينتظر الرد من الفيفا عشان ياخد الضوء الأخضر إن كهربا يشارك في المباريات ولا لأ».
