الاعترافات الكاملة لمرتكب جريمة "الريف الأوروبي": "قتلتهم كلهم زى الفراخ"

صُنفت جريمة «الريف الأوروبي» الأبشع فى 2022، وفى أول يوم فى عام 2023 صدر حكم بالإعدام على المتهم فى هذه الجريمة التى المعروفة إعلاميا بـ"مذبحة الريف العربي"، كان للمتهم تصريحات صادمة فى رصدها “الرئيس نيوز” في السطور التالية.

الجريمة كانت قتل 5 أشخاص على يد متهم واحد فى منطقة بالشيخ زايد والسبب هو رفض فتاة من هذه الأسرة الزواج بهذا المتهم.

بعد مواجهته بإرتكاب الجريمة قال: «أيوة أنا اللي قتلتهم كلهم، قتلتهم زي الفراخ أبوها مكنش عايز يجوزها ليا بعد ما صرفت عليها فلوس كتير حاولت معها، رفضت قتلتها وأبوها جه قتلته ومكنتش حاسس أنا بعمل إيه لحد ما خلصت على كل اللي في الفيلا وبعدين روحت على بلدنا في سوهاج حتى لا يتم القبض على خاصة أن المكان غير مجهز بالكاميرات ومحدش شافني، وعقب الانتهاء من المناقشة تمت إحالة المتهم للنيابة التي أمرت بحبسه 4 أيام على ذمة التحقيقات بعد أن وجهت له تهمة القتل العمد».

وأضاف فى التحقيقات: «هو أنا كنت كل فترة بتضايق من رفضهم لطلب جواز بنتهم، وكنت لما بشوف هناء بزعل إنها كسرت نفسي وهزت کبریائي ولكن كنت بتعامل معهم عادي حتى وأنا حاسس بالحاجات دي كلها لحد يوم الأربعاء اللى فات اللي حصل كنت راجع من شغلي في أبوغالب، وكان معايا واحد اسمه وليد عنده عربية بخليه يوديني مشاوير بالأجرة، وكنت بدور على دواء ليا علشان كنت تعبان فجاء في بالي إني أكسر نفس هناء زي ما هي کسرت نفسي، فكنت كل ما أروح صيدلية أسال على الدواء بتاعي بتاع الضغط وكنت بسأل على دواء مخدر للكلاب ومكنتش بلاقي، فعديت على صيدليتين بعد كده قالولي على صيدلية هتلاقي فيها المخدر بتاع الكلاب، ورحت هناك واشتريت المخدر، ووصلت لحد المزرعة ونفذت الجريمة».