الأربعاء 08 فبراير 2023 الموافق 17 رجب 1444
رئيس التحرير
شيماء جلال
Advertisements
عاجل
أخبار

أمور كبيرة قد تحدث قبل 16 ديسمبر.. عمرو أديب يكشف تطورات قرض صندوق النقد

الإعلامي عمرو أديب
الإعلامي عمرو أديب

كشف الإعلامي عمرو أديب؛ عن السيناريوهات الاقتصادية المتوقع أن تحدث في مصر قبل اجتماع صندوق النقد الدولي في 16 ديسمبر الجاري، والمتوقع أن تحصل مصر بعده على الشريحة الأولى من القرض المتفق عليه مع الصندوق.

وقال أديب خلال برنامج "الحكاية" المذاع على قناة "أم بي سي مصر": "في نظريتين في العشر أيام الجاية حاجة منهم هتحصل قدامنا سيناريوهين الأول؛ قبل يوم 16 اللي هيدوك فيه الشريحة الأولى يجب أن تكون هناك إجراءات معينة معمولة في مصر".

وأضاف: "ايه مفروض يحصل بيتكلموا عن حاجتين؛ رفع للفايدة دا رقم واحد والثاني الجنيه ليس مرن بالقدر الكافي؛ يعني سعره لسه 24.60 قرش مش ده الرقم اللي نرضى بيه".

وتابع: "وارد جدا قبل يوم 16 أو بعد يوم 16 يحصل رفع للفايدة ويتحرك سعر الجنيه المصري؛ رويترز بتقول إن الدولار موجود في السوق الموازية بسعر 31-32 جنيه دا السيناريو الأول أنه طبقا لما سيحدث هتزود سعر الفايدة والدولار رسمي".

وأوضح: "السيناريو التاني جايز أنت تكون جاهز بطريقة أو بأخرى عندك تدفقات جاية أو حاجات هتحصل؛ أنت بتتكلم عن تضخم وصل إلى 20% ولكن ايه اللي هيحصل دة أو دة أنا معرفش وهذه الأمور يعرفها القائمين على السياسة النقدية في مصر".

وواصل: "الكلام الكام يوم اللي فاتوا أن هناك سندات سيادية وأن هناك دخول في السوق اليابانية وبيع سندات بالين الياباني ايه اللي هيحصل في العشر أيام دول أنا لا أعرف؛ بقول لحضرتك توقع تغيير؛ الناس هتقولك عمرو بيمهد لا أنا مبمهدش؛ ايه اللي هيحصل دا طبقا لسياسة البنك المركزي ورئيس الوزراء قال إن عاملين مجهود على نص 2023 الأمور هتتحسن".

وأكمل: "الناس في السوق يتحدثون عن أن الحاجات اللي في الموانيء محتاجة ما بين 4-6 مليار دولار هل دول موجودين؟ أنا معرفش هل دول في حاجة معينة معرفش؛ ايه التدبير اللي بتعمله الحكومة هذه أمور محدش عارف هتحصل ازاي".

وذكر: "ي سوق موازية ودهب بيرتفع وشح في المعروض؛ أنا قابلت واحد من المصنعين وقالي أنا عندي مشكلة ولكن أحنا عمرنا ما بنمشي عمال ولكن العمال بيزعلوا أني بقولهم خدوا أجازات لأن مكونات المنتج مش متوفرة".

واختتم: "السؤال اللي معرفش اجابته؛ هل الـ750 مليون دولار اللي جايين من الصندوق يعملوا حاجة؟ يأثروا تأثير مباشر على سعر الدولار؟ معرفش؛ كل الناس اللي قالولك توقعات غلط الشهور اللي فاتت مش عارفين يعملوا ايه".

Advertisements
Advertisements