أحمد موسى: "اللجان بتطبل لقطر عشان كأس العالم وبيهاجموا مصر على التنمية"
علق الإعلامي أحمد موسى؛ على إشادة من وصفهم باللجان الإلكترونية بالإنفاق القطري على منشأت كأس العالم وفي المقابل الانتقاد طوال الوقت لكل ما تقوم به الدولة المصرية من عمليات تنمية.
وقال موسى خلال برنامج "على مسؤوليتي" المذاع على قناة "صدى البلد": "الوحدة السكنية اللي كان إيجارها ألف ريال في الشهر النهاردة 5 آلاف في اليوم؛ قطر بتتكلم عن عائد يصل إلى 17 مليار دولار ودا بالنسباله مش حاجة".
وأضاف: "قطر مش موجودة في الدولة ذات الرواج السياحي في آسيا ولا في العالم؛ قالوا هنستغل الحدث ده عشان نسوق بلدنا في السياحة يبصوا لدبي في الإمارات وقالوا هنروج لده؛ أنا بعرفك الناس بتسوق بلادها ازاي وبينفقوا إنفاق هائل؛ الحملة بتاعتهم على وسائل التواصل الاجتماعي شغالة من 3 أيام".
وتابع: "تعاقدوا مع أبرز نجوم العالم؛ نجوم العالم جايبنهم عندهم كام؟ لما يجي يعملك ستوديو؛ المواطن المحترم أعرف الدول بتسوق بلادها ازاي واعرف أن الإعلام اللي بيشتمك ليل ونهار هو نفس الإعلام اللي بيطبل لقطر النهاردة".
وواصل: "الدول لما بتعمل بنية تحتية لـ 100 سنة؛ قطر أنفقوا 220 مليار دولار لكأس العالم؛ وأما تسأل القطريين يقولولك أنا عملت البنية التحتية مش لكأس العالم بس".
وأكمل: "اللجان اللي بتشتغل بتقولك ما البنية التحتية دي هيستخدموها؛ طيب هي البنية التحتية اللي في مصر مش هنستخدمها؟ يقولك شوفت عملوا أيه في قطر عشان 100 سنة جاية؛ طيب هو أنا بعمل بنية تحتية في مصر عشان أهدها بكرة يعني؟ انت بتعمل بنية تحتية لـ 100 سنة وبتعمل مدن لـ 100 سنة؛ أنت بتعمل بنية تحتية لمليون كيلو متر مربع هو مش عايزك تشوفها كدة".
وأوضح: "أنت بتزود التنمية المستدامة والتنمية بتاعتك بدل ما كنا عايشين على 6% النهاردة بقت 14 وبتشتغل أنك توصل إلى 23% من مساحة بلدنا هو مش عايزك تعمل كدة؛ القطريين واللجان اللي شغالة لما كان يقعد يشكك في بلدك وشوف النهاردة بيتكلموا ازاي".
وذكر: "يقولك شوفت الطرق في قطر وشوفت المترو وشوف النقل طيب هو أنت مشفتش في مصر؛ أنت اتعميت؟ ليه النهاردة بتتكلم وتقول قطر عاملة أحسن وأحسن ما يعملوا محدش يقول لا ولكن أنت النهاردة الكيل بمكيالين عامل هنا مش شايف وبيشوف في قطر".
واختتم: "رضيت وطلبت لقطر ساعات الليل والنهار وميرداش عليا أنا أتكلم عن بلدي ولما أتكلم عن بلدي يقولوا بيطبل؛ أنت بتطبل لقطر وأنت مش قطري؛ طيب أنا بلدي مصر".
