عمرو أديب يعلق على فشل تظاهرات الإخوان: الشعب المصري واعي
علق الإعلامي عمرو أديب؛ على فشل دعوات التظاهر التي أطلقتها جماعة الإخوان الإرهابية، مشيرا إلى أن الشعب المصري واعي ولا ينجر لمثل هذه الدعوات.
وقال أديب خلال برنامج "الحكاية" المذاع على قناة "أم بي سي مصر": "لم يحدث شيء؛ الناس عارفين حاجتين إن أنا متكلمتش عن 11-11 خالص ولم أذكره من قريب أو بعيد؛ أنا حضرت كل الحدشرات كلها بل بالصدفة البحتة كان في مرة منهم 11 -11 أنا حضرت كل الجمع؛ جمعة التصدي وجمعة الانتقام وجمعة العودة؛ الواحد بقي عنده بعض الخبرة في مثل هذه الأمور".
وأضاف: "لماذا لم ينزل الناس ومحدش يقولي أنه مكانش قلقان والناس بتقولي هتعدي؟ أقولهم مفيش حاجة هتحصل؛ في بعض الأسئلة البايخة الغريبة؛ البلد دي عندها عقدة من المظاهرات أنت بتتكلم في بلد خلال 7-8 سنين فيها ثورتين بقتلاهم؛ البلد دي اتبهدلت مظاهرات فخلاص محدش عايز يستدعي الذكري دي تاني".
وتابع: "احنا بنتكلم عن 2011-2013 بملحقاتهم والناس عندها ذكريات مؤلمة في هذا الأمر؛ وفي سياق ليه الناس منزلتش لما تيجي تقوله أنا هقفل المحل بدري يقولك عايز أكل عيش؛ الناس مش عايزة فوضى؛ إيه الفكرة وأيه الوعد؟ يعني أنت النهاردة أي حد عايز تنزله الشارع هناك وعدا؛ الوعد الوحيد أنزل الحرية في انتظارك حرية ايه وانت بتعرض عليا ايه؟".
وواصل: "الشيء اللي أنا استغربت منه أن المغفلين التلاتة اللي شغالين على الموضوع دة أمبارح باليل طقت في دماغهم وقالوا يا جماعة أحنا غيرنا الخطة أنزل دلوقت؛ أنت أهبل يالا؟ أنت بتتكلم مع الشعب المصري؛ وبعدين يقول إيه أنت بتكلم الكادحين الخطة عندي قالك سلاح الفرسان كل واحد يكلم أوبر؛ دانا يادوب عندي بطاقة تموين انت ناسي أنت طالب ثورة ليه؟ ناس أغبيا بشكل غير طبيعي".
وأكمل: "الأهم من دة كله؛ أنا عشان أنزل أنت ووريني رجالتك في الشارع وأقول أيوة الرجالة نزلت تعالوا بقى؛ انما أنت قاعد هناك في البغددة والفلوس والمخابرات انزلوا وأبقوا قولولي؛ طيب أنت مش ناوي هو اتعلم الحكاية دي لقيتها كويسة أنزل أقولك أنا أهو معاك أنا أنصرك؛ أنا مشفتكش في الشارع طيب أنزل ليه".
واختتم: "كل مرة بيعملوا حاجة غريبة جدا؛ لغاية قبل صلاة الجمعة أخواتي وأحبابي شعب مصر العظيم؛ بعد صلاة الجمعة بقي يا جبناء يا أغبيا يا حيوانات؛ يابني قبل صلاة الجمعة كنت بتقولي شعب مصر العظيم؛ كل مرة بعد ما تبوظ يطلعوا باليل يقولوا شعب خنوع؛ لا شعب فاهم وعاقل وواعي وعارف المصلحة فين وشعب عارف أن أنتوا حيوانات".
