زاهي حواس: السياح بيشتكوا من إذاعة الأذان بمكبرات الصوت

قال الدكتور زاهى حواس، وزير الآثار الأسبق، إن عدد السياح وصل في 2010 إلى نحو 12 مليون شخص، مشيرًا إلى أن هذا العدد سبب أزمة لأنه لم يكن هناك تجهيزات لاستيعابه.

وأضاف حواس خلال حواره في برنامج «نظرة»، الذي يعرض عبر قناة «صدى البلد»، أن المشروعات التي تتم الآن يجب استغلالها جيدًا لتنشيط قطاع السياحة.

وتابع أن هناك سلوكيات يفعلها بعض المواطنين تسبب في مضايقة السائح، معقبا: «لازم نعمل مادة لطلبة المدارس عن السياحة، عشان يعرفوا يتعاملوا مع السائح، مش ممكن واحدة تبقى ماشية في الشارع بالغردقة وحد يقرصها، أو واحد بتاع بزار يقولك اتفضل ويشدك غصب عنك، أو واحد بتاع تاكسي تمنه 30 جنيه يقولك 50 دولار، ده بيحصل، وده عيب».

وأكمل حواس: «الشرطة مش هتقدر تعمل حاجة مع هذه السلوكيات، الموضوع موضوع ثقافة، لازم الشعب يعرف إن كل واحد فيه هو وزير السياحة».

وأردف: «عاجبني إبراهيم عيسى لما اتكلم على موضوع الأذان، ما يتعمل جوه المسجد، وليه 70 أذان؟! أنا مرة نمت في مينا هاوس عندي محاضرة تاني يوم قمت على صوت الأذان بيقوم السياح اللي قاعدين، مفيش في الدين يقول إن يعمل الأصوات دي كلها، إحنا دولة سياحية ولازم نحافظ على راحة السائح، في حاجات لازم نبطلها عشان نجيب السائح».

وختم حواس: «ليه الأذان اللي بره الجامع؟! اعمل الأذان اللي جوه، وأي حد متدين ميقولش أزعج الناس، ده إزعاج للناس، أنا عارف ميعاد الصلاة أروح أصلي في الجامع، ده شكوى بيشتكي منها السياح، ومش موجود في أي حتة في الدنيا غير عندنا».