عمر كمال يكشف سبب إجراء جراحة زراعة "الذقن" ويوضح حقيقة زواجه
كشف مطرب المهرجانات عمر كمال؛ أسباب ظهوره بشكل مختلف وقيامه بزراعه شعر الذقن، مشيرا إلى أنه كان يشعر بالحرج من الحديث عن الموضوع.
وقال كمال في مداخلة هاتفية مع برنامج "الحكاية" المذاع على قناة "أم بي سي مصر": "أنا كنت محرج من تناول الموضوع خاصة أن بعض وسائل الإعلام تناولت الموضوع بشكل مختلف؛ الحكاية إن عندي فيلم جديد بشتغل فيه مع فنانين كبار زي نبيلة عبيد وأيتن عامر ومطلوب مني ستايل معين".
وأضاف: "عندي عيب في جنب وشي وكان لازم أداريه وبقول للدكتور أنا بمثل شخصية في الفيلم شكلها كذا وعايز أصلح العيب اللي هو كلف في المنطقة دي فقالي ايه رأيك نكمل الدقن بدل ما نزرع جزء بس ولو عايز تكمل بيها كمل".
وتابع: "زرعت جزء من الدقن وجزء تاني طولته وعملت كدة عشان أداري العيب ده اللي دكاترة كتير قالولي عشان يتعالج لازم جلسات ليزر أو علاج بالكريمات وعدم خروج في الشمس وقلت اريح دماغي".
وعن أخر أعماله الفنية قال كمال: "أنا متوقف حاليا؛ عملت تتر مسلسل للفنان محمد رجب وعامل اغنية حلوة مع أيتن عامر في الفيلم وعلى رأس السنة هنزل السنجل بتاعتي".
وحول شائعة زواجه قال كمال: "أنا متجوزتش لكن قررت أتجوز واخد خطوة في الموضوع؛ والناس قالت إني اتجوزت عشان كنت متصور مع واحد داعيه صاحبي في البيت؛ ولقيت الناس بتقول إني اتجوزت؛ أنا ربنا هداني ورحت النقابة ومضيت على القرارات الجديدة وأنا مش بتاع تريندات؛ أنا عايز أبقى تريند في شغلي".
وكان مطرب المهرجانات عمر كمال قد فاجأ جمهوره بمظهر جديد بعد أن ظهر بذقن على عكس ما هو معتاد حيث خضع إلى عملية تجميل استهدفت زراعة الذقن.
وتسببت الجراحة التجميلية في غياب عمر كمال عن اجتماع نقابة المهن الموسيقية الذي أقيم خلال الفترة الماضية، وتقدم باعتذار إلى الفنان مصطفى كامل نقيب المهن الموسيقية.
واثارت ذقن عمر كمال الجدل على مواقع التواصل الاجتماعي بين الرفض والسخرية، والبحث عن اسباب قيامه بتلك العملية التجميلية.
