الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل

السيسي: نحتاج 250 مليار دولار لتطوير التعليم لنصل لجودة الدول المتقدمة

الرئيس عبد الفتاح
الرئيس عبد الفتاح السيسي

تحدث الرئيس عبدالفتاح السيسي، عن قضايا التعليم، خلال الجلسة الختامية بالمؤتمر الاقتصادي - مصر 2022.

وقال الرئيس السيسي: «في التعليم تعالي نتكلم وفيه كلام بنسمعه جوة القاعات مع المتخصصين وكلام تاني عن الواقع في مصر.. طيب عاوزين تغيروه؟ ولا لأ؟.. واحد يقولي التعليم إيه علاقته بالاقتصاد؟ جودة التعليم اللى هتقدم هتقدر.. يا ترى المنتج هيبقا عامل ازاى؟».

وأضاف: «25 مليون دول كام للواحد في السنة، في الدول المحترمة والقادرة بتدفع 10 آلاف دولار للطالب في السنة يعني عاوزين 250 مليار دولار علشان أعمل التعليم ده فى التعليم الأساسي والجامعى حاجة تانية.. أنا حولتهم لجنيه قلت نديهم 250 مليار جنيه طيب هل الموازنة تقدر تعمل كده؟».

تابع الرئيس السيسي: «60 ألف فصل بيتكلف 60 مليار جنيه من غير تشغيل، فيه مدرسين وأطقم لخدمة المدرسة وكهرباء وميه بنتكلم في 60 الف مدرسة..طيب لو عاوزين مليون جنيه لرفع كفاءة كل مدرسة يبقا عاوز 60 مليار.. طيب لو مش موجودة حد يقولك المدرسة دي يا عم أنت بتتكلم في إيه؟».

وأكمل: «انتوا مش عارفين يعني إيه دولة وبتهدوا بلادكم.. الناس الغلابة لما حد يجي يتجوز من ولادهم يوضبوا بيتهم علشان الناس تشوفوا كويس.. يا ترى احنا بنعمل كده؟.. طيب الفقير غلبان طيب.. الغني ما أنت مبسوط ومستور.. بنحط تراب من غير ما نقصد ليه؟ دي ملامة ليكم ؟ لا.. أنا بكلم كل المصريين».