الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
أخبار

مصطفى بكري يهاجم المحليات: "متزعلوش الناس من الدولة أكتر من كدة"

الرئيس نيوز

أكد الإعلامي مصطفى بكري؛ أن نبض الشارع المصري مع الدولة ويتمنى من القيادة السياسية أن تتمسك بمشروعها الوطني وتسعى لتحقيق إجراءات الحماية الاجتماعية بشكل مستمر

وقال بكري خلال برنامج "حقائق وأسرار" المذاع على قناة "صدى البلد": "أحنا مع الدولة ومع مؤسسات الدولة؛ أحنا مع الرئيس السيسي وعايزينه والناس مش ناسية أبدا ما حدث في زمن الاخوان ولكن الناس اكتوت بالغلاء أنا سمعت شكاوى كتير جدا عن موضوع المباني".

وأضاف: "كانت شكوى الناس أحنا عايزين نعرف ليه وقفتوا حالنا وليه ساكتين لحد دلوقتي وأما نقولهم سيادة رئيس الوزراء قال في أكتوبر طيب وليه نستنى لاكتوبر؟ ودة كلام بوجهه للسيد رئيس الوزراء الناس بتشتكي والناس تعبانة".

وتابع: "تعطيل هذا القانون تسبب في مشاكل وكوارث في البلد؛ الراجل ماشي زي الصاروخ أنتوا بتفرملوا الدنيا ليه؟ احنا بنتكلم عن الجهاز الإداري اللي مش عايز يتحرك وبيعطل الناس في المصالحات".

وأوضح: "براحة على الناس؛ الناس تعبانة وزهقانة متزهقوهاش أكتر وبتكلم على بتوع المحليات وأنا واثق أن السيد الوزير هشام أمنة هيكون ليه موقف".

واختتم: "ترجموا مقولات الرئيس سهلوا على الناس متزعلوش الناس من الدولة أكتر من كدة احنا نفك أزمات الناس مش نعملها مشاكل أكتر؛ تعليمات الرئيس واضحة أقفوا مع البلد وسهلوا الإجراءات للمواطنين".