مصطفى بكري يكشف حقيقة شراء مصر طائرة رئاسية مقابل 500 مليون دولار
رد الإعلامي مصطفى
بكري على الشائعات التي ترددت من الإعلام المعادي بشأن شراء رئاسة الجمهورية
لطائرة جديدة بقيمة 500 مليون دولار في ظل الظروف الاقتصادية الحالية.
وقال بكري خلال
برنامج "حقائق وأسرار" المذاع على قناة "صدى البلد": "الإشاعة
اتكررت أكتر من مرة أي فيديوهات في أي كلام وكله بيدخل في دايرة الإثارة والفوضى؛
راحوا رددوا نفس الكدبة بطريقة استخدام المعلومة وينشروا مزيد من الأكاذيب ويقولك
رغم أن الأحوال الاقتصادية في مصر الرئاسة بتشتري طيارة بـ500 مليون دولار".
وأضاف: "أنا
قاعد كمواطن تعبان أقول أنت جايب طيارة بـ500 مليون دولار يا فندم مانت عندك أسطول
طيارات وهما فاهمين أن الناس هتقول كدة".
وتابع: "الرئاسة
معندهاش غير طيارة واحدة متهالكة؛ من 28 سنة الطيارة موجودة وهي من طراز إيرباص
340 وشركة إيرباص قالت إن الطيارة لن تكون صالحة للاستخدام في نهاية 2023 ومن
دلوقت دخلت مرحلة الخطر وعدم الأمان".
وواصل: "وخليني
أقولكم وأنا على يقين من هذه المعلومات أن رئاسة الجمهورية لا تمتلك أي طائرات
أخرى يمكن استخدامها في الرحلات الخارجية".
وأكمل: "الطائرات
الصغيرة اللي بيتنقل بيها الرئيس داخليا تابعة للقوات المسلحة وبيستخدمها الرئيس
والقوات المسلحة وطيارة الرئاسة في أي بلد مش مجرد وسيلة نقل دي بتحتوي على كافة
الوسائل اللي بتتيح لرئيس الجمهورية والطاقم المعاون أنهم يمارسوا مهامهم؛ فيها
أنظمة اتصالات ووسائل حماية وغرفة عمليات".
وأوضح: "ده وضع طبيعي لأي طائرة رئاسية؛ شركة إيرباص قالت إن الطيارة اللي صنعناها لمصر من 28
سنة لم تعد صالحة للعمل؛ نسكت والا نبحث عن طيارة".
وذكر: "الدولة
المصرية تعاقدت سنة 2020 على طيارة بوينج 474 قبل الأزمات؛ إحنا اتعاقدنا بأقل من
نصف المبلغ؛ ومن 500 مليون دولار الرئيس قال أنا مش عايز البهرجة وفضلوا يتفاوضوا
لحد ما نزل سعرها إلى 240 مليون دولار وبالتقسيط".
واختتم: "الطيارة
فيها إمكانيات هائلة ولكن الرئيس قال لا؛ عايز أقل إمكانيات؛ ولو فاكرين أمير قطر
أهدى الرئيس أردوغان طيارة بـ500 مليون دولار ولكن الرئيس قال مش عايز كل ده".
