الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
تقارير

منشور متداول عن تعذيب أطفال دار أيتام بالتجمع الخامس.. والأمن يتحرك

الرئيس نيوز

تفحص أجهزة الأمن بالقاهرة منشور متداول عن تعذيب أطفال دار أيتام بمنطقة التجمع الخامس.

ويقوم رجال المباحث بعمل التحريات للوقوف على ملابسات الواقعة واتخاذ الإجراءات القانونية اللازمة حيالها. 

وكان رواد مواقع التواصل الاجتماعي "فيس بوك" تداولوا منشور مفاده اكتشاف مشرفي حضانة أطفال آثار تعذيب على جسد طفل أثناء ذهابة للحضانة،

وجاء في المنشور: "طيب ده ضهر طفل عمره ٥ سنين ... يرضيكم كده طيب ؟

وأضاف المنشور: "ده طفل بيروح حضانة في التجمع الخامس زي اي طفل.. الحضانة اكتشفت الآثار دي علي ضهره، ولما سألوا الطفل قال لهم ان دي آثار ضرب بتوكة الحزام !!

وتابع المنشور: "الحضانه بيروح لهم أكثر من طفل من نفس الدار .. و لما اتكلموا معاهم اكتشفوا ان كلهم بيتم ضربهم بالمنظر ده وعليهم آثار تعذيب برضو و في منهم طفل مش بيتكلم اصلا لان لسانه فيه عيب خلقي، ده غير ان طفل فيهم بيقول ان في مشرف بيمسكه من أماكن حساسه بالليل و في الحمام !!

وأردف المنشور: “الحضانة اتصدمت، وقررت تبلغ الدار وتروح بنفسها لمقر الدار في التجمع، واللي بتقوله كارثي.. بيقولوا لها معلش هو شاطر مع الكبار فهنرجعه للكبار تاني.. ونجيب غيره للصغيرين! وان الاطفال اللي بتروح الحضانه من أطفال الدار مجرد ما حد يقرب منهم اوي يرفعوا ايدهم يخبوا وشهم وكإنهم متعودين علي الضرب في كل وقت ومن كل الناس.. وعشان كده خايفين طول الوقت”.

كما جاء المنشور: “طيب روايات الاطفال دي واللي بيحصل فيهم نفهم منه ايه ... نفهم منه ان في كارثه في اداره هذه الدار يستاهلوا يتحاسبوا من صغيرهم لكبيرهم ... و بما إن الآثار واضحه كده فأكيد الدار عارفه اللي بيحصل للأطفال لانهم أكيد بيغيروا للاطفال و الاثار واضحه جدا.. وكمان نفهم ان في اهمال من وزارة التضامن الاجتماعي في الرقابه علي هذه الدار و غيرها.. و نفهم كمان ان قانون العقوبات تجاه الايتام لازم يتغير، لازم العقوبه يتم تغليظها.. عشان العقاب يكون رادع لان اللي بيعملوا كده في أيتام معتمدين علي ان دي أيتام مش بتتكلم !لاوان الحضانه سجلت للأطفال فيديوهات بيوثقوا كلامهم.. وده من فضل ربنا، لأن الجمعية اول ما عرفت ان الحضانه اكتشفت الكوارث دي، بطلت تبعت الاطفال للحضانة”.