الثلاثاء 29 نوفمبر 2022 الموافق 05 جمادى الأولى 1444
رئيس التحرير
شيماء جلال
Advertisements
عاجل
أخبار

مصطفى بكري مهاجما صندوق النقد: "ناقص يبعت لجنة ملنر تراقب علينا"

الرئيس نيوز

أكد الإعلامي مصطفى بكري؛ أن ثورة 30 يونيو أنقذت البلاد من الحرب الأهلية مشيرا إلى أن الاحتقان كان قد وصل إلى أشده بين الجميع.

وقال بكري خلال برنامج "حقائق وأسرار" المذاع على قناة "صدى البلد": "يوم 30 يونيو مرسي أتصل بوزير الداخلية وقاله تخلص الهوجة وهتتحاكم أنت وعبد الفتاح السيسي في ميدان التحرير؛ أوعوا تفتكروا أن المسألة كانت هينة؛ كان قرار تاريخي".

وأضاف: "دخلنا من بعد 2014 وحققنا إنجازات كبيرة وكله اشتغل؛ وبدأ يبني مؤسسات الدولة واحنا داخلين في السكة ولاد الحلال اللي زقوا علينا فلان والوزير العلان ولقينا نفسنا في شبكة عنكبوتية".

وتابع: "صندوق النقد والشروط المتنيلة؛ أنا بسميه صندوق النكد يزعلوا؛ يشوفوا الشروط الستة اللي حطينها؛ دانت ولا المندوب السامي البريطاني بتاع زمان ناقص تجيب ليها لجنة ميلنر تفتش علينا وعلى ميزانيتنا".

وواصل: "أرحمونا شوية وأعرفوا أن مصر دي واحة الاستقرار في المنطقة ولو حصلها حاجة يا أشقاء ياعرب ويا عالم المنطقة كلها هتروح في 5 دقائق".

وأوضح: "برضو يافندم البطء في اقرارات مينفعش؛ أحنا محتاجين قرارات حاسمة وزارة مش نافعة تتكل على الله؛ وزير مش نافع يتكل على الله لازم البلد متفضلش في حالة السكون اللي احنا فيها دي".

وأكمل: "لازم يبقي فيه عمليه سياسية بتتحرك أن للجمود السياسي أن ينتهي وعشان كدة الرئيس طرح الحوار الوطني؛ يا جماعة في ناس عايزة تضلم البلد دي على اللي فيها كأن محصلش حاجة".

واختتم: "في واقع صعب في حالة اكتئاب موجودة في مشاكل موجودة بس عمرنا ما فقدنا الأمل ولا هنفقد الأمل؛ وبقول لكل اللي بيزايدوا شمال ويمين؛ لما بتقعدوا على الكرسي مفيش حد فيكم بينجح".

Advertisements
Advertisements