نجلاء بدر توضح تفاصيل منعها من الإقامة في أحد الفنادق: "زوجك مش معاكي مينفعش"
كشفت الفنانة نجلاء بدر؛ تفاصيل منعها من الإقامة بأحد
فنادق الساحل الشمالي لعدم تواجد زوجها بصحبتها موضحة أن إدارة الفندق أبلغتها أن
الفندق مخصص للعائلات فقط.
وقالت بدر في مداخلة هاتفية مع برنامج
"الحكاية" المذاع على قناة "أم بي سي مصر": "كان معمولنا
حجز لحضور افتتاح مشروع في الساحل وقلتلهم أنا هاجي ومعايا مدير أعمالي وردوا عليا
أن تم حجز الفندق ليكي ولمدير أعمالك".
وأضافت: "وصلت الاوتيل الساعة أربعة دخلنا الاستقبال
وقابلتنا الموظفة وقالتي في أربع أوضح سنجل محجوزين وكتبت الاستمارات وقالتلي
هنستني ربع ساعة نرتب الأوض".
وتابعت: "فوجئت بعديها بعشر دقائق نزل صاحب المشروع
ومعاه موظف من الفندق وقالي أنا أسف جدا هننقل الأوتيل ورد عليا مسؤول الفندق أصل الفندق
دا عائلات فقط وقلتله أنا متجوزة ورد عليا زوج حضرتك مش معاكي مينفعش تنزلي".
وأوضحت: "بكل أدب قلتلهم أنا همشي والراجل صاحب
المشروع كان قلقان أني أمشي وأنا قلتله أنا مش هبوظ الافتتاح بتاعك ونقلنا لفندق
تاني وكتبت البوست الصبح واتفاجئت أن في ناس كتير حصل معاها الموضوع دة".
واختتمت: "لو من الأول قالولي مينفعش تنزلي لأنك من
غير زوجك كان الموضوع عادي ولكن خدوا بطاقتي وقعدوني ساعة وبعدين قالولي أحنا
أسفين".
