خيري رمضان يرد على حقوقي اتهمه بتلقي تعليمات للحديث عن علاء عبد الفتاح
رد الإعلامي خيري رمضان على أحد المحامين الحقوقيين الذي
اتهمه بتلقي تعليمات أمنية للحديث عن قضية الناشط السياسي علاء عبد الفتاح.
وقال رمضان خلال برنامج "حديث القاهرة" المذاع
على قناة "القاهرة والناس": "استضفت السيدة مشيرة خطاب رئيس المركز
القومي لحقوق الإنسان وتحدثت عن حالة السجين علاء عبد الفتاح".
وأضافت: "واضح جدا أن مفيش موقف مني ضده؛ بالعكس أي
حد يخرج من السجن حاجة كويسة؛ معداش 48 ساعة وزمايلي بعتولي خبر عن مصدر أمني
بيقول إن علاء عبد الفتاح مش مضرب عن الطعام".
وتابع: "التليفون دة طول مانا شغال بيجلي عليه
رسائل من زمايلي بيبعتولي شغل؛ الأستاذ اللي بيتكلم ويقول جاتله التعليمات
بالتليفون أنت مش هتفهم إعلام خليك في القانون؛ التليفون بنصور بيه ونعمل بيه
فيديوهات ونتلقى عليه فيديوهات".
وأوضح: "الخبر مش أنا لوحدي اللي قلته بس؛ لكن صادفت
أني كنت شغال باليل ساعتها؛ وأنا لما أقول إنه اتنقل إلى سجن تاني دانا بفرح أهله؛
كل السجون وحشة لكن السجن دة عظيم؛ بدل الكانتين فيه سوبر ماركت".
وأكمل: "واحد حقوقي بيكن ليا جزء من الاحترام وشايف
إني إعلامي بتاع السلطة؛ أنا بعمل شغلي وهفضل اعمل شغلي أنا في ضهر بلدي أيوة أنا
بتاع الدولة أيوة عايزيني أبقى ضد الدولة ليه".
واختتم: "بعدها بيوم الدكتورة ليلي سويف قالت أنا
فوجئت أن علاء اتنقل؛ الخبر اللي قلته قبلها بيوم؛ هو بيطلب مني الاعتزال أو
الاعتذار على أني قلت خبر صح".
