الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

مصطفى بكري للحكومة: "حسوا بالناس والشارع"

الرئيس نيوز

طالب الإعلامي مصطفى بكري؛ الحكومة بأنهاء ملف قانون اشتراطات البناء لافتا أن توقف أعمال المقاولات يؤثر بالسلب على العاملين في القطاع.

وقال بكري خلال برنامج "حقائق وأسرار" المذاع على قناة "صدى البلد": "الحكومة مطالبة أنها تفك على الناس شوية؛ يعني مثلا البناء وقوانين البناء دا موقف حال الناس".

وأضاف: "الرئيس أدي تعلميات للحكومة من سنتين انكم تنتهوا من القانون وسيادتكم لسة بتفكروا؛ في 95 مهنة مرتبطة بالبناء الناس حياتها وقفت وفي مقاولين دخلوا السجون لأن عليهم ديون".

وتابع: "يا فندم إيه اللي معطلك؟ ولا نسمع تصريحات وبس هتقولي مجلس النواب أدي مجلس النواب عندك؛ خلصوا وألا أنتوا لسة بتدرسوا حطينوا في الدرج".

وأكمل: "حسوا بالناس والشارع أنت موقف الدنيا كلها عشان اية؟ المقاول الغلبان اللي معاه 20-30 عامل؛ لكن مع ذلك بقول رغم أن الأزمة صعبة على الناس والكل بيعاني لازم مفيش قدامنا خيار غير أننا نواجه بكل قوة اللي بيتلاعبوا بقوت الناس ونشد حيلنا في مقاومة الفساد ونهب أموال البلد والعبث بمقدراتها".

واختتم: "محتاجين مشاركة كل خبراء الاقتصاد ونقعد على طرابيزة ونسمع بعض؛ ونشوف ازاي نخرج من الازمة محتاجين تماسك الأزمة الداخلية".