أمير كرارة ينفي ادعاءات مها أحمد.. ويؤكد: مش أسلوبي
كشف الفنان أمير كرارة؛ حقيقة اتهامات الفنانة مها أحمد له برفضه ترشيحها بالعمل في أحد المسلسلات، لافتًا أن تصريحاتها عن الأمر غير صحيحة.
وقال "كرارة"، خلال برنامج "حبر سري" المذاع على قناة "القاهرة والناس": "لما كنت بشوف مها أحمد كنت بقولها يا أستاذة ودة في العادي؛ هي ممثلة أقدم مني وفنانة كبيرة وزوجة أخونا الكبير مجدي كامل".
وأضاف: "أنا عمري في حياتي ما وقفت في رزق حد ولا عمري اعترضت على حد؛ هي مها كان اعتراضها أنها لم ترشح للمسلسل".
وتابع: "أنا بحب مها أحمد جدا، وبقولك يا مها أنا فعلا مش زعلان منه؛ هي بتقول إنها قابلتني وقالت لي ابقى خدني معاك في المسلسل فقولت لها كل دور ينادي صاحبه، يا مها ودة مش أسلوبي ومش صحيح والجملة دي تقال أيام الأبيض وأسود".
واختتم: "الكلمة دي مش شبه لسان أمير أصلا، أنا مقولش الجملة دي، ومش طريقتي، ومش أسلوبي، ومستحيل أنا مش كدة أقسم بالله أنا مقلتش كدة، وحياة ولادي مقلتش كدة؛ ولحد النهاردة أنا بحبك يا مها ولو فهمتي أو سمعتي غلط فأنا أسف لكن أنا فعلا مقلتش حاجة زي دي".
