الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

أحمد موسى يناشد رئيس الوزراء قبول القمح من المزارعين من غير مالكي الحيازة الزراعية

الرئيس نيوز

ناشد الإعلامي أحمد موسى؛ الدكتور مصطفى مدبولي رئيس مجلس الوزراء؛ إيجاد أليه لتوريد القمح من المزارعين الذين لا يمتلكون حيازة زراعية.

وقال موسى خلال برنامج "على مسؤوليتي" المذاع على قناة "صدى البلد": "ليا رجاء؛ دولة رئيس الوزراء بعض المواطنين من أهالينا المزارعين اللي زارعين قمح السنادي؛ في ناس معندهاش حيازة زراعية وهي أعداد هائلة والناس دي عايزة تورد القمح بتاعها للدولة ومعندوش حيازة وبياخد كل حاجة بالغالي وملوش علاقة بالجمعية الزراعية".

وأضاف: "في ناس كلموني عندهم أراضي كتيرة مش موجودة ضمن الأرض اللي حصرتها الدولة؛ الناس دي عايزة تورد القمح للدولة والقمح السنادي مبشر وبنتكلم على أرقام بسم الله ماشاء الله".

وتابع: "افتحولهم الباب مانا حكومة عايزة قمح؛ اللي معاه حيازة زراعية أنت حددت خلاص هتاخد منه 12 أردب وفي ناس تانية بتقولك لو أنا هاخد احتياجاتي فقط والباقي أنا عايز أديه للحكومة".

واختتم: "في الأخر هو يستفيد فلوس والدولة هتستفيد من كميات القمح؛ أنا مش عارف بكرة في إيه؛ عايز أقولكم بكرة قد يكون أسوأ من اللي احنا فيه النهاردة لا نتمنى ولكن قراءة المشهد الدولي قد يكون بكرة أسوأ من النهاردة".