الجمعة 03 فبراير 2023 الموافق 12 رجب 1444
رئيس التحرير
شيماء جلال
Advertisements
عاجل
فن

مرتضى راجل نضيف..عبد العال :مؤامرة على الزمالك طمعاً فى الكرسى

الرئيس نيوز

 فى تصريحات نارية كشف كابتن رضا عبد العال، عضو منتخب مصر سابق، أن نادى الزمالك يتعرض لمؤامرة، بحسب تعبيره، مؤكدا ان المؤامرة يقودها أبناء نادي الزمالك وذلك كله طمعا في كرسي رئاسة النادي وليس من أجل مصلحة الزمالك، مشيرا إلى أن النادي الأهلي ليس طرفا إطلاقا في هذا الأمر.

تصريحات عبد العال جاءت عبر قناة القاهرة والناس خلال برنامج "حبر سري" الذي تقدمة الإعلامية أسما إبراهيم، وتابع رضا عبد العال تصريحاته قائلا: أنا شايف إن فيه مؤامرة على الزمالك من ولاده علشان الكرسي، مرتضى منصور قعد سنة بعيد عن النادي طيب الناس اللى اترشحت في الانتخابات الأخيرة أفادوا نادي الزمالك بإيه علشان ترشحوا نفسكم .

متابعا: الزمالك مشكلته في أولاده مش مؤامرة كونية ولا العالم كله بيتآمر عليه، والنادي الأهلى مش طرف في القضية , مرتضى منصور راجل نضيف وعلشان كده رجع والسؤال هو مشي من النادي ليه، لو عليه مخالفات سيبه في مكانه لحد لما تمسك المخالفات مش تمشيه وبعد كده استني سنة واجيب لجان توقع النادي، وبعدين تقوله حقك علينا معندكش مخالفات.

كما هاجم الكابتن عبد العال منظومة الإعلام الرياضي وانتماء الاعلاميين للأندية، قائلا:  في إعلاميين كتير متحيزين لأندية جماهيرية وكل اللي بيشتغل في الإعلام لو مش هيميل للأهلي مش هيشتغل وفى إعلاميين أهلوية وزملكوية، وشرط النجاح لأي اعلامي هو امتداح الاهلي باستمرار، متابعا: "أي اعلامي عشان يكمل في الاعلام لازم يطبل كثير للأهلي"، مؤكدا أن مدحت شلبي من مشجعي الأهلي ولكنه ينكر باستمرار.

واختتم  رضا عبد العال تصريحاته قائلا: انا من محبي الكابتن محمود الخطيب، على مستوى الكاريزما وخلال أدائه في الملعب وبحب الخطيب جدا ويشتغل في أي حتة وأنا طول عمري بقول أنا مقتنع بثلاث أشخاص ماردونا وميسي والخطيب.

Advertisements
Advertisements