الأربعاء 18 مايو 2022 الموافق 17 شوال 1443
رئيس التحرير
شيماء جلال
Advertisements

تامر أمين عن فيلم "أصحاب ولا أعز": يجمع كل الموبقات

الثلاثاء 25/يناير/2022 - 12:07 ص
الرئيس نيوز
حسام محمد
طباعة

علق الإعلامي تامر أمين؛ على أزمة فيلم "أصحاب ولا أعز" والذي شاركت في بطولته الفنانة منى زكي والفنان الأردني إياد نصار ويعرض على منصة نتفلكس.

وقال أمين خلال برنامج "أخر النهار" المذاع على قناة "النهار": "أصحاب ولا أعز؛ الحقيقة لا أصحاب ولا أعز ولا حاجة أبدا دا كلهم خيانة وكدب ونفاق ورياء ومثلية وكل الموبقات الموجودة في الحياة موجودة في السبع رموز اللي اختارتهم نتفلكس عشان يكونوا أبطال الفيلم".

وأضاف: "الفيلم لا ليه علاقة بالصداقة ولا بالمعزة والسبعة أمثلة لكل الفساد الموجود لكل العلاقات الإنسانية وأنا هنا مش بقول رأيي أنا بقول وصف للفيلم".

وتابع: "الفيلم عبارة عن ستة أزواج ورجل أعزب والسبعة معزومين في البيت بمناسبة خسوف القمر وخلال العشا بيلعبوا لعبة كلهم حطوا تليفوناتهم والرسالة اللي هتيجي الكل بيسمعها وكله طلع بلاوي؛ طلع واحد من السبعة مثلي وكلهم لبنانين معادا مني زكي ويمثل زوجها إياد نصار مصري".

وأكمل: "الفيلم بيتقال في الفيلم أن أحداثه تدور في لبنان وكل الفيلم في لبنان مش في مصر واتضح أنه كله بيخون بعضه والقصة كلها بلاوي والدنيا قامت ومقعدتش على منى زكي وأنا رأيي المتواضع أن أنا ضد فكرة المنع وربما حد يهاجمني؛ المنع يجي ضد أي مشاهد خادشة للحياء وأنا مع الإبداع والرأي والفكرة يترد عليه بنفس الشكل".

وواصل: "أنا ضد شتيمة وسب وقذف مني زكي وخصوصا أن مني زكي لها تاريخ كبير وتاريخها يشفع لها وأرجو أننا مانهاجمش منى وأخرك تقول معجبنيش الفيلم ده وبقول لمنى أنا في رأيي أن أكبر من قيمة الفيلم دة أنتي ليه عملتي الفيلم دة وأن كان في كمين في سيناريو الفيلم مخدتيش بالك منه".

واختتم: "المشكلة الأساسية في دور إياد نصار في الفيلم وأنه عامل دور الزوج المصري وهو اللي دافع عن الشخص المثلي وهنا هو منطق تحفظي الأساسي أن مش دة الشخص المصري ولو الشخص المصري مش هيقول كدة ومش هيمثل المصريين ودة السم في العسل من وجهة نظري بالإضافة لبعض المشاهد التانية اللي بنت بتقول لأبوها في الفيلم أنا هبات عند صاحبي وهو قالها أعملي اللي أنتي عايزاه".

ads
ads
Advertisements
Advertisements
ads