الأربعاء 25 مايو 2022 الموافق 24 شوال 1443
رئيس التحرير
شيماء جلال
Advertisements

والد فتاة بكفر الشيخ يروي تفاصيل ابتزاز ابنته من خطيبها السابق

الأحد 23/يناير/2022 - 01:16 ص
الرئيس نيوز
حسام محمد
طباعة

كشف السيد الصعيدي؛ والد فتاة تعرضت للابتزاز بصور مفبركة في كفر الشيخ تفاصيل الواقعة لافتا أن خطيبها السابق هو من يقف وراء هذه الجريمة.

وقال الصعيدي في مداخلة هاتفية لبرنامج "أخر النهار" المذاع على قناة "النهار": "بنتي كانت مخطوبة لواحد من قرية تابعة لمركز دسوق ولما لقينا أخلاقه مش كويسة رجعنا له حاجته وانهينها الموضوع بكل شياكة".

وأضاف: "من ضمن الحاجات اللي رجعناها ليه كان تليفون هو شاريه ليها هدية وكان شاري خط وعملها صفحة على الفيسبوك باسمها وبعد ما أخد الحاجات دي وهو فضل يحاول يرجعها ورفضنا لأن أخلاقه سيئة ولما يأس من الموضوع جالي البيت وكانت حطة تليفونها على الشاحن في أوضة الجلوس ودخلت أجيب له كوباية شاي لقيته بيقصر في الكلام وسرق التليفون ومشي".

وتابع: "لما يأس نهائي لقيته مفبرك لها صور على فيسبوك وحاطط جنبها صورة حقيقة من صورها مش عريانة وبيحاربنا أكتر من ست شهور؛ وأتاخرنا في مسألة البلاغات لأن كنا بنحاول نحل ودي وأنا أب لخمس بنات ومقدمتش بلاغ بسرقة التليفون".

وأكمل: "لما بدأ ينزل الصور جبنا محامي وتقدمنا ببلاغات لشرطة الانترنت ومفيش حاجة اتحركت؛ رحنا شرطة الانترنت في سموحة وفي طنطا وفي كفر الشيخ؛ بيفتح كل يوم 5 أو 6 صفحات وحاطط أرقام تليفوني أنا وزوجتي وصوري وبيحاول يوقعنا مع الناس".

واختتم: "الناس بقت تتصل بينا ومفكرين أننا وحشين وحتى بيقولولنا ابعتولنا حتة واحنا عايشين في جحيم؛ أنا أب لخمس بنات والبيت فيه 2 دكاترة بنتي متجوزة دكتور وبني التانية دكتورة والتالتة هتبقي مدرسة".

ads
ads
Advertisements
Advertisements
ads