إبراهيم عيسى يدافع عن المهرجانات: فن مصري.. ومن يطالب بمنعه ضيق العقل
قال الإعلامي إبراهيم عيسى؛ إن المهرجانات فن
تقوم مصر بتشكيله، وسيتم تقليده عالمية واصفا المعترضين عليه بضيقي
العقل.
وأوضح عيسى خلال برنامج "حديث
القاهرة" المذاع على قناة "القاهرة والناس": "شباب منزعج مننا
كلنا وبيغني؛ والراب فن موجود في كل الدنيا والمهرجانات فن مصر بتشكله
وبكرة يتقلد ويبقى عالمي فظيع بس أنتوا اللي عقولكم ضيقة وصدوركم أضيق".
وأضاف: "تعبير الفن النظيف هو التعبير
القذر واللي بيطلعوا يتكلموا عنه طول الوقت ناس طيبة ولطيفة وبتصقف للدولة لكنهم
مش فاهمين وبيقولوا كلام ضد الدولة وكلام سلفي وهما فاكرين أنهم بيحافظوا على
الأخلاق".
وتابع: "العنوان الكبير للالتزام الفني
الشيخ يونس القاضي مؤلف نشيد بلادي بلادي وهو اللي مؤلف أرخي الستارة اللي فريحنا
ومؤلف اغنية لام كلثوم بتقول فيها الخلاعة والدلاعة مذهبي؛ الشيخ يونس القاضي أحنا
عندنا أغاني شعبية في الريف المصري بتقول يا منجد علي المرتبة واعمل حساب
الشقلبة".
وواصل: "لما تفتح كتب عن الأغنية
المصرية هتلاقي في بعضها نفس إباحي؛ أغنية ياما القمر على الباب عملت أزمة في مجلس
النواب أياميها ازاي بنت تقول كدة في الأغنية".
وأكمل: "يقولك أصلهم بيغنوا للحشيش
ياسلام؟ هو سيد درويش غني عن أيه عن الورد؟ مهو غني للحشيش والكوكايين وكل
حاجة".
واختتم: "الفن أمزجة وأننا منصادرش على
أي نوع من الفن وفي فرق بين الرقابة والنقابة في فرق بين المجتمع وولاد الكار اللي
بيتخانقوا مع بعض
