الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
أخبار

أو ل تعليق من عمرو أديب على خسارة الزمالك: "تمنيت الماتش يخلص بعد تلت ساعة"

الرئيس نيوز

علق الإعلامي عمرو أديب؛ على خسارة الزمالك أمام الأهلي بخمسة أهداف مقابل ثلاثة في المباراة التي أقيمت بين الفريقين ضمن منافسات بطولة الدوري.

وقال أديب خلال برنامج "الحكاية" المذاع على قناة "إم بي سي مصر": "أول مرة في ماتش يجيلي صداع وأحس ان ضغطي عالي؛ بعد الجول الأول عادي يا جماعة فرقة بتتغلب وبعدين التاني والتالت والرابع وأول مرة أبقي عايز الماتش يخلص بعد أول تلات ساعة وكنت حاسس أننا داخلين على فضيحة كروية؛ الزمالك جاتله خضة وانهيار وحسيت أن كل حاجة بتقع".

وأضاف: "حاولت بقدر الإمكان أبلغ اللي بيحصل بس متبلعش؛ والكابتن مدحت شلبي كل شوية يقول دا ماتش كورة ولكن بالنسبالي مكانش ماتش كورة عادى وبصراحة النهاردة الأهلي استطاع أن ينتقم للعام الماضي كله الدوري اللي راح والماتشات اللي ضاعت؛ الأهلي انتقم تماما وجات لحظة في الماتش أننا هنبقي قدام سكور بايخ ومتفهمش اللي حاصل".

وتابع: "في حظ أهلاوي غير طبيعي الجول الأول أن ملعوب الكورة تيجي في العارضة وتدخل وطبعا البلنتي التاني مش بلنتي والجول الأول غير طبيعي حاجة متكررش غير كل واحد في الألف".

وأكمل: "طبعا عشان بردو مبقاش مش عادل أوي في تحليلي النقلة بتاعه السولية بعشرة مليون جنيه الكورة اللي لعبها لشريف الحريف العنيف جول عالمي والأهلي نجح أنه يلعب شوط سوبر والشوط التاني ؛ الأهلي كسب بس مش خماسية والماتش دة لو كان كمل خمس دقايق كمان الأهلي كان اتعادل".

وأكمل: "أنت قدام مدرستين مدرسة النقل المباشر لقدام والكورة بتنقل من غير تأخير ومدرسة تانية عمالين نلعب لورا وبلالين والأهلي عنده اتنين أبراج أي كورة عالية هيخدوها".

واختتم: "الزمالك لو مكانش دخل فيه الجول اللي فالشوط التاني كان ممكن يعمل حاجة أفضل من كدة وهذا لا يمنع أن الأهلي كان أفضل وعنده دكة بدلاء مرعبة".