يسرا توضح أهمية قرار الرئيس بشأن حماية الفنانين ضد العجز
عبرت الفنانة يسرا عن سعادتها البالغة لقرار
الرئيس عبد الفتاح السيسي والتوجيه بتقديم الرعاية الصحية والاجتماعية للفنانين.
وقالت يسرا في مداخلة هاتفية مع برنامج
"الحكاية" المذاع على قناة "أم بي سي مصر": "فرحانه لأني
حسيت أن الفن والفنانين غالين على الوطن وعلى مصر؛ في ناس كتيرة بتتعب ومبتقدرش
تتعالج وبنلم ليها ولكن هل دة ممكن يكون كفاية أو لا".
وأضاف: "قرار الرئيس كان مهم أننا نحسن
أننا مهمين للدولة والمتجمع وأن لينا قيمة للعالم العربي وفي احترام للفن
والفنانين وأما دا يحصل من الدولة والرئيس شيء بيحسسنا أننا مسنودين".
وتابعت: "الرئيس مبيعملش بس للفن ولكن
بيعمل حاجات كتير بقول ربنا يخليهولنا لأنه بيشتغل في مليون حاجة في نفس الوقت".
واختتمت: "في جزء كبير من الزملاء
بيعاني وبيحتاج لفلوس وأساميها كبيرة وفي حتة كرامة وكبرياء وعزة نفس وهما مبيرضوش
يطلبوا والناس مش قادرة تستوعب أن الفنان مهما أخد أجر كبير بيكون في مسؤوليات
كبيرة حواليه أنا مباخدش عشان رزقي لوحدي ولكن رزقي ورزق اللي حواليا".
